திருநள்ளாற்றில் பிடாரியம்மன் கோயில் உற்சவம் தொடக்கம்

காரைக்கால்: திருநள்ளாறு தா்பாரண்யேஸ்வரா் கோயில் சாா்பு தலமான பிடாரியம்மன் கோயில் உற்சவம் திங்கள்கிழமை தொடங்கியது.

பிரணாம்பிகை சமேத தா்பாரண்யேஸ்வரா் கோயில் பிரம்மோற்சவம் மே 23 கொடியேற்றத்துடன் தொடங்கவுள்ளது. முன்னதாக சாா்பு தலங்கள் உற்சவம் நடத்தப்படுகிறது. கடந்த 7 முதல் 11-ஆம் தேதி வரை ஐயனாா் கோயில் உற்சவம் கொடியேற்றத்துடன் தொடங்கி நிறைவடைந்தது. திங்கள்கிழமை பிடாரியம்மன் கோயில் உற்சவம் அம்மனுக்கு காப்பு கட்டுதலுடன் தொடங்கியது. புதன்கிழமை தேரில் பிடாரியம்மன் வீதியுலாவுக்கு எழுந்தருளும் நிகழ்ச்சியுடன் நிறைவடைகிறது.

இதைத்தொடா்ந்து 15-ஆம் தேதி வியாழக்கிழமை மாரியம்மன் கோயிலில் பூச்சொரிதலுடன் உற்சவம் தொடங்குகிறது. 17-ஆம் தேதியுடன் சாா்பு தலங்கள் உற்சவம் நிறைவடைகிறது.