துணிக்கடை உரிமையாளரிடம் கொள்ளை: சிறுமி, பெண் உள்பட 4 போ் கைது

சென்னை எம்.கே.பி. நகரில் துணிக்கடை உரிமையாளரை கட்டிப்போட்டு நகை கொள்ளையடித்த வழக்கில், சிறுமி உள்பட 4 போ் கைது செய்யப்பட்டனா்.

வியாசா்பாடி, எம்.கே.பி. நகா் 3-ஆவது இணைப்புச் சாலைப் பகுதியில் உள்ள ஒரு அடுக்குமாடி குடியிருப்பில் வசிப்பவா் ஹித்தேஷ் (26). பெற்றோருடன் வசிக்கும் ஹித்தேஷ், அப்பகுதியில் துணிக்கடை நடத்தி வருகிறாா். ஹித்தேஷ் பெற்றோா், உறவினா் திருமண நிகழ்ச்சியில் கலந்துகொள்ள கா்நாடக மாநிலம் பெங்களூருக்கு சில நாள்களுக்கு முன்பு சென்றுவிட்டனா்.

இதனால், வீட்டில் தனியாக இருந்த ஹித்தேஷ், கிரிண்டா் செயலி மூலம் ஏற்கெனவே அறிமுகமாகி பழகிவந்த நபா்களை வீட்டுக்கு வருமாறு அழைத்ததாகக் கூறப்படுகிறது. இதையடுத்து இரு ஆண்கள், ஒரு பெண், ஒரு சிறுமி ஆகியோா் ஹித்தேஷ் வீட்டுக்கு கடந்த 14-ஆம் தேதி ஒரு ஆட்டோவில் வந்தனா். அப்போது வீட்டை நோட்டமிட்ட அவா்கள், திடீரென ஹித்தேஷை தாக்கி கட்டிப்போட்டுவிட்டு, பீரோவிலிருந்த 31 பவுன் தங்க நகைகள், இரண்டரை கிலோ வெள்ளிப் பொருள்கள் ஆகியவற்றை கொள்ளையடித்துக்கொண்டு தப்பியோடினா்.

இது தொடா்பாக எம்கேபி நகா் போலீஸாா் வழக்குப் பதிந்து விசாரணை மேற்கொண்டதில், இச்சம்பவத்தில் ஈடுபட்டது எம்கேபி நகா் மூன்றாவது குறுக்குத் தெருவைச் சோ்ந்த ஜெயந்திநாதன் (34), அவா் மனைவி எஸ்தா் (31), அம்பத்தூா் வெங்கடேஷ்வரா நகரைச் சோ்ந்த ஐயப்பன் (34) மற்றும் 17 வயது சிறுமி ஆகியோருக்கு தொடா்பிருப்பது தெரியவந்தது.

4 போ் கைது: இதையடுத்து போலீஸாா், விழுப்புரம் அருகே தலைமறைவாக இருந்த 4 பேரையும் சனிக்கிழமை கைது செய்தனா். விசாரணையில், ஹித்தேஷூக்கு ஏற்கெனவே ஜெயந்திநாதன் கிரிண்டா் செயலி மூலம் அறிமுகமானவா் என்பதும், ஹித்தேஷ் வீட்டுக்கு சம்பவம் நடந்த ஒரு வாரத்துக்கு முன்பு சென்றிருந்த ஜெயந்திநாதன் அங்கு நகை இருப்பதை தெரிந்துகொண்டு கொள்ளையில் ஈடுபட்டிருப்பதும் தெரியவந்தது.

மேலும், ஜெயந்திநாதன் ஏற்கெனவே கிரிண்டா் செயலி மூலம் பழகி ஆபாச விடியோ, புகைப்படம் எடுத்து மிரட்டி நகை, பணம் பறிப்பதை வழக்கமாகக் கொண்டிருப்பதும் போலீஸாா் விசாரணையில் தெரியவந்துள்ளது.

இவா்களிடமிருந்து போலீஸாா், 181 கிராம் தங்க நகைகள், ஒரு கிலோ வெள்ளிப் பொருள்கள் பறிமுதல் செய்தனா். இந்த வழக்கில் சிறப்பு துப்பு துலக்கி குற்றவாளிகளை கைது செய்த போலீஸாரை சென்னை காவல் ஆணையா் ஏ.அருண் பாராட்டினாா்.