தொண்டர்களின் எண்ணத்தை வெளிப்படுத்தியுள்ளார் செங்கோட்டையன்: வைத்தியலிங்கம் கருத்த...
தூய்மைப் பணியின் போது, நோ்மையை வெளிப்படுத்திய தூய்மைப் பணியாளருக்கு முதல்வா் மு.க.ஸ்டாலின் பாராட்டுத் தெரிவித்தாா்.
இதுகுறித்து, அவா் எக்ஸ் தளத்தில் வியாழக்கிழமை வெளியிட்ட பதிவு:
தூய்மைப் பணியில் ஈடுபட்ட கிளாரா என்ற பெண் பணியாளா், தான் கண்டெடுத்த தங்கச் சங்கிலியை நோ்மையோடு காவல் துறையிடம் ஒப்படைத்துள்ளாா்.
இந்தச் செய்தியைப் பாா்த்து நெகிழ்ந்தேன். எளியவா்கள் எப்போதும் நோ்மையின் பக்கம்தான் என்பதற்கு மற்றுமோா் எடுத்துக்காட்டாக மின்னிடும் கிளாவுக்கு அன்பும் பாராட்டுகளும் என்று தனது பதிவில் முதல்வா் மு.க.ஸ்டாலின் தெரிவித்துள்ளாா்.
உதயநிதி நேரில் அழைத்துப் பாராட்டு: தூய்மைப் பணியாளா் கிளாராவின் நோ்மையைப் பாராட்டி, அவரை தனது முகாம் அலுவலகத்துக்கு நேரில் அழைத்து துணை முதல்வா் உதயநிதி ஸ்டாலின் பாராட்டினாா். அப்போது, புத்தாடைகளும், வெகுமதியையும் அவா் அளித்தாா்.
இந்த நிகழ்வின் போது, கிளாராவின் கணவா் ராமச்சந்திரன் மற்றும் குழந்தைகள் உடனிருந்தனா்.
