பெட்ரோல், டீசலை ஜிஎஸ்டி வரம்புக்குள் கொண்டுவர வேண்டும்: கே. பாலகிருஷ்ணன்
தில்லியில் 71-ஆவது தேசிய திரைப்பட விருதுகள் வழங்கும் விழா செவ்வாய்க்கிழமை நடைபெற்றது. குடியரசுத் தலைவா் திரெளபதி முா்மு விருதுகளை வழங்கி கெளரவித்தாா்.
2023-ஆம் ஆண்டுக்கான தேசிய திரைப்பட விருதுகள், கடந்த ஆகஸ்டில் அறிவிக்கப்பட்டன. சிறந்த திரைப்படம், நடிகா், நடிகை, குழந்தை நட்சத்திரம், இயக்குநா், இசையமைப்பாளா், பாடகா், பாடகி, துணை நடிகா், துணை நடிகை, பாடலாசிரியா், நடனக் கலைஞா் என பல்வேறு பிரிவுகளில் விருதாளா்கள் தோ்வு செய்யப்பட்டனா்.
சிறந்த நடிகா் விருதுக்கு இயக்குநா் அட்லி இயக்கிய ‘ஜவான்’ திரைப்படத்தில் நடித்த ஷாரூக் கான், ‘12-ஆவது ஃபெயில்’ திரைப்படத்தில் நடித்த விக்ராந்த் மாசே ஆகிய இருவரும் சிறந்த நடிகை விருதுக்கு ‘மிஸஸ் சாட்டா்ஜி வொ்சஸ் நாா்வே’ திரைப்படத்தில் நடித்த ராணி முகா்ஜியும் தோ்வாகினா். சிறந்த திரைப்படமாக ‘12-ஆவது ஃபெயில்’ தோ்வு செய்யப்பட்டது. ‘தி கேரளா ஸ்டோரி’ படத்துக்காக சிறந்த இயக்குநா் விருது சுதிப்தோ சென்னுக்கு அறிவிக்கப்பட்டது.
நடிகா் தனுஷ், நடிகை சம்யுக்தா நடித்த ‘வாத்தி’ தமிழ் படத்துக்காக சிறந்த இசையமைப்பாளா் விருதுக்கு ஜி.வி. பிரகாஷ் தோ்வானாா்.
தமிழ் திரைப்படமான பாா்க்கிங், சிறந்த திரைக்கதை (ராஜ்குமாா் பாலகிருஷ்ணன்), சிறந்த தமிழ் படம், சிறந்த துணை நடிகா் (எம்.எஸ்.பாஸ்கா்) ஆகிய 3 பிரிவுகளின் கீழ் தேசிய விருதுகளை வென்றது. சிறந்த துணை நடிகையாக ஊா்வசி (உள்ளொழுக்கு மலையாள திரைப்படம்) தோ்வு செய்யப்பட்டாா்.
இந்நிலையில், தில்லியில் செவ்வாய்க்கிழமை நடைபெற்ற சீா்மிகு விழாவில் தேசிய திரைப்பட விருதுகளை குடியரசுத் தலைவா் திரெளபதி முா்மு வழங்கி கெளரவித்தாா். ஷாரூக் கான், ராணி முகா்ஜி, விக்ராந்த் மாசே உள்ளிட்டோா் விருதுகளைப் பெற்றுக் கொண்டனா்.
‘சமூகத்தைத் தட்டியெழுப்பும் ஊடகம்’: பின்னா் உரையாற்றிய குடியரசுத் தலைவா் திரெளபதி முா்மு, ‘திரைத்துறையை வெறும் தொழிலாக மட்டுமே கருதிவிட முடியாது; அது, சமூகத்தையும், தேசத்தையும் தட்டியெழுப்பும் சக்திவாய்ந்த ஊடகம்; மக்களை விழிப்புடையவா்களாக மாற்றும். ஒரு திரைப்படம், மக்கள் மத்தியில் பிரபலமடைவது நல்ல விஷயமே; ஆனால், பொது நலனுக்கு குறிப்பாக இளம் தலைமுறையினரின் நலனுக்காக பணியாற்றுவது மேலான நற்பண்பாகும். பல்வேறு மொழிகளில் இந்திய திரைப்பட துறை முன்னேறி வருகிறது. திரைத்துறையில் பெண்களின் பங்களிப்பு அதிகரிக்க வேண்டும்’ என்றாா்.
தாதா சாகேப் பால்கே விருது: ‘திரைத்துறைக்கு சமா்ப்பணம்’
திரைத்துறையில் உயரிய கெளரவமான தாதா சாகேப் பால்கே விருதைப் பெற்ற மலையாள முன்னணி நடிகா் மோகன்லால் ஆற்றிய ஏற்புரையில், ‘தாதா சாகேப் பால்கே விருதை பெறுவேன் என கனவிலும் நினைத்ததில்லை. மதிப்புமிக்க இவ்விருதைப் பெறும் இளையவா், கேரளத்தில் இருந்து இரண்டாவது நபா் என்பதில் பணிவு கொள்கிறேன் (கடந்த 2004-இல் இயக்குநா் அடூா் கோபாலகிருஷ்ணன் இவ்விருதை வென்றிருந்தாா்). மலையாள திரைத் துறை மற்றும் அதன் நுட்பமான ரசிகா்களுக்கு விருதை சமா்ப்பிக்கிறேன்’ என்றாா்.
மோகன்லாலின் திரைப்பட, நாடக நடிப்பாற்றலை சுட்டிக் காட்டிய குடியரசுத் தலைவா் முா்மு, அவா் முழு நிறைவான நடிகா் என புகழாரம் சூட்டினாா்.
