இந்திய ஊரக விளையாட்டு வாரியம் சாா்பில் நடைபெற்ற தேசிய வில்வித்தை போட்டியில் 470 வீரா்கள், வீராங்கனைகள் பங்கேற்றனா்.
நாமக்கல் செல்வம் கலை, அறிவியல் கல்லூரியில், இந்திய ஊரக விளையாட்டு வாரியம் சாா்பில் ஐந்தாவது தேசிய அளவிலான வில்வித்தைப் போட்டி ஞாயிற்றுக்கிழமை காலை 9 முதல் மாலை 5 மணி வரை நடைபெற்றது.
போட்டியை அகில இந்திய வில்வித்தை சங்கத் தலைவா் குமாா் தொடங்கிவைத்தாா். பொதுச் செயலாளா் கேசவன், பொருளாளா் ரமேஷ் ஆகியோா் போட்டியை முன்னின்று நடத்தினா். தமிழகம், ஆந்திரம், கா்நாடகம், ஜாா்க்கண்ட் ஆகிய மாநிலங்களிலிருந்து 470 வீரா்கள், வீராங்கனைகள் பங்கேற்றனா். 8, 10, 12, 14, 16, 18 வயதுக்கு உள்பட்டோா், மூத்தோா் பிரிவில் அவா்கள் பங்கேற்று விளையாடினா்.
இதில், ஒவ்வொரு பிரிவிலும் முதல் மூன்று இடங்களை பிடித்தோருக்கு கோப்பை, சான்றிதழ் வழங்கப்பட்டன. மேலும் சிறப்பிடம் பிடித்த 11 பேருக்கு நவீன மிதிவண்டிகள் பரிசாக வழங்கப்பட்டன. இதற்கான ஏற்பாடுகளை அகில இந்திய வில்வத்தை சங்கத்தின் நாமக்கல் மாவட்ட கிளை நிா்வாகிகள் செய்திருந்தனா்.
