தோ்தல் வாக்குறுதியாக அளிக்காத பல திட்டங்களை நிறைவேற்றி வருகிறோம்: அமைச்சா் மா.சுப்பிரமணியன்

தோ்தல் வாக்குறுதிகளாக அறிவிக்காத பல்வேறு திட்டங்களையும் திமுக அரசு நிறைவேற்றி வருவதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

சேலம் பெரியாா் பல்கலைக்கழக வளாகத்தில் பொது சுகாதாரத் துறை சாா்பில் சனிக்கிழமை நடைபெற்ற சா்வதேச மாநாடு நிறைவு விழாவில் கலந்துகொண்ட அமைச்சா் மா.சுப்பிரமணியன், சிறப்பாகப் பணியாற்றிய மருத்துவ அலுவலா்களுக்கு பரிசுகளை வழங்கினாா்.

பின்னா் அவா் செய்தியாளா்களிடம் கூறியதாவது: தமிழக முதல்வா் பொதுசுகாதாரத் துறைக்கு மிகப் பெரிய முக்கியத்துவம் அளித்து வருகிறாா். முதல்வா் வழிகாட்டுதலில் பொது சுகாதாரத் துறை சாா்பில் இந்த சா்வதேச மாநாடு நடைபெற்றுள்ளது. இந்த மாநாட்டில் பல்வேறு அமா்வுகளில் மருத்துவ வல்லுநா்கள் உரையாற்றினா். ஆய்வுக் கட்டுரைகள் 12 புத்தகங்களாக வெளியிடப்பட்டுள்ளன.

கடந்த நான்கரை ஆண்டுகளில் பல புதிய திட்டங்களை செயல்படுத்தி உள்ளோம். இதயம் காப்போம் திட்டம் தமிழ்நாட்டில் 11,049 கட்டமைப்புகளில் செயல்படுத்தப்பட்டு வருகிறது. நடப்போம் நலம் பெறுவோம் திட்டம் 38 மாவட்டங்களிலும் செயல்படுத்தப்பட்டு வருகிறது. மக்களைத் தேடி மருத்துவம் திட்டம் 2.5 கோடி பயனாளிகளை சென்றடைந்துள்ளது.

சிறுநீரக பாதுகாப்புத் திட்டம், புற்றுநோய் கண்டறிதல் திட்டம் ஆகியவை உள்ளிட்ட பல்வேறு திட்டங்களை செயல்படுத்தி உள்ளோம். தோ்தல் வாக்குறுதிகளைத் தாண்டி பல்வேறு திட்டங்களை சுகாதாரத் துறையில் செயல்படுத்தி உள்ளோம். தோ்தல் வாக்குறுதிகளாக அளிக்காத திட்டங்களையும் தொடா்ந்து செயல்படுத்தி வருகிறோம்.

2011-ஆம் ஆண்டுக்குப் பிறகு தற்போதுதான் தமிழகம் 11.19 சதவீத பொருளாதார வளா்ச்சியை அடைந்துள்ளது. இந்தியாவின் வளா்ச்சி 6 சதவீதமாக இருக்கும் நிலையில், தமிழகம் நன்கு வளா்ந்துள்ளது. இரட்டை சதவீத வளா்ச்சி குஜராஜ், உத்தரப் பிரதேச மாநிலங்களைத் தாண்டி தமிழகத்தில்தான் சாத்தியப்படுத்தி உள்ளோம்.

புதுமைப்பெண், தமிழ்ப்புதல்வன், நான் முதல்வன் திட்டங்கள் தோ்தல் வாக்குறுதியில் சொல்லப்படவில்லை. ஆனால் அந்த திட்டங்களை நிறைவேற்றி வருகிறோம். அரசியலுக்காக யாா் வேண்டுமானாலும் எதை வேண்டுமானாலும் சொல்லலாம். அவா்கள் திட்டங்களை புரிந்துகொண்டு பேசவேண்டும் என்றாா்.

அப்போது சுற்றுலாத் துறை அமைச்சா் ரா. ராஜேந்திரன் மற்றும் திமுக நிா்வாகிகள் உடனிருந்தனா்.