தைலாபுரத்தில் பாட்டாளி சமூக ஊடகப் பேரவைக் கூட்டம்!அன்புமணி ராமதாஸ் புறக்கணிப்பு

விழுப்புரம் மாவட்டம், திண்டிவனம் வட்டம், தைலாபுரம் தோட்டத்தில் பாட்டாளி சமூக ஊடகப் பேரவைக் கூட்டம் புதன்கிழமை நடைபெற்றது. இந்தக் கூட்டத்திலும் பங்கேற்காமல் பாமக தலைவா் அன்புமணி ராமதாஸ் புறக்கணித்தாா்.

தைலாபுரம் தோட்டத்தில் பாமக மாவட்டச் செயலா்கள், மாவட்டத் தலைவா்கள் கூட்டத்தை நடத்த தொடங்கிய கட்சியின் நிறுவனா் மருத்துவா் ச.ராமதாஸ், தொடா்ந்து இளைஞரணி, மாணவரணி, மகளிரணி, வன்னியா் சங்கம், முன்னாள் மாவட்டச் செயலா்கள் உள்ளிட்ட பல்வேறு பிரிவுகளின் கூட்டங்களையும் தொடா்ந்து நடத்தினாா்.

இதைத் தொடா்ந்து, புதன்கிழமை காலை கட்சியின் சமூக ஊடகப் பேரவைக் கூட்டம் பாமக நிறுவனா் மருத்துவா் ச.ராமதாஸ் தலைமையில் நடைபெற்றது. கூட்டத்தில், பாட்டாளி சமூக ஊடகப் பேரவையின் ஆலோசகா் அருள்ரத்தினம், தலைவா் மேட்டூா் தமிழ்வாணன் உள்ளிட்ட நிா்வாகிகள் பங்கேற்றனா்.

கூட்டத்துக்கு தலைமை வகித்த ராமதாஸ், வரும் 2026 சட்டப்பேரவைத் தோ்தலில் பாமகவை 50 தொகுதிகளில் வெற்றி பெறச் செய்ய வேண்டும். அதற்காக சமூக ஊடகங்களை சரியாக கையாண்டு பரப்புரைகளை மேற்கொள்ள வேண்டும் என்று ஆலோசனைகளை வழங்கினாா்.

சுமாா் 2 மணி நேரம் நடைபெற்ற கூட்டத்தில் மாநிலத்தின் பல்வேறு பகுதிகளிலிருந்து வந்திருந்த நிா்வாகிகள் பங்கேற்றனா். கட்சித் தலைவா் அன்புமணி ராமதாஸ் இந்தக் கூட்டத்திலும் பங்கேற்காமல் புறக்கணித்தாா்.