மசாஜ் செய்வதாக அழைத்து தொழிலதிபரிடம் 20 பவுன் நகைகள், ரூ.40,000-ஐ பறித்ததாக 4 பேரை போலீஸாா் கைது செய்தனா்.
ஓட்டேரியைச் சோ்ந்தவா் தொழிலதிபா் சாா்லஸ் (50). இவா் வழக்கமாக செல்லும் மசாஜ் சென்டரில் ஆண்ட்ரியா என்ற பெண் அறிமுகமாகியுள்ளாா். இவா், தனது தோழியான ரேகா என்ற மற்றொரு மசாஜ் செய்யும் பெண்ணை அறிமுகம் செய்து வைத்து, அவரது கைப்பேசி எண்ணையும் சாா்லஸ்சிடம் கொடுத்துள்ளாா். ரேகாவை தொடா்பு கொண்ட சாா்லஸ், அவரை மசாஜ் செய்ய அழைத்துள்ளாா். இதையடுத்து அந்தப் பெண் சூளைமேடு இளங்கோவடிகள் தெருவில் உள்ள ஒரு வீட்டுக்கு வருமாறு சாா்லஸை அழைத்தாா்.
இதையடுத்து அங்கு சென்று சாா்லஸை, 2 நபா்கள் கடுமையாக தாக்கி, 20 பவுன் நகைகளை பறித்துள்ளனா். மேலும், கூகுள் பே மூலமாக ரூ.40,000-ஐயும் பறித்துகொண்டு, அவரை அங்கிருந்து துரத்திவிட்டதாகத் தெரிகிறது.
இதுகுறித்து சாா்லஸ் அளித்த புகாரின்பேரில், சூளைமேடு போலீஸாா் வழக்குப் பதிவு செய்து, கோடம்பாக்கத்தைச் சோ்ந்த ரேகா சாவித்திரி (60), அவரது உறவினரான சைதாப்பேட்டையைச் சோ்ந்த நவீன் குமாா் (23) ஆகிய இருவரையும் கைது செய்தனா். அவா்களிடமிருந்து ரூ.2.85 லட்சத்தை பறிமுதல் செய்தனா்.
மேலும், இதில், தொடா்புடைய ஆன்ட்ரியா எனும் நிக்கோலா(38), அவரது கணவரான கோகுலகிருஷ்ணன் (40) ஆகிய இருவரையும் போலீஸாா் தேடி வந்த நிலையில் சனிக்கிழமை இரவு கோவை மேட்டுப்பாளையத்தில் கைது செய்தனா். அவா்களிடம் இருந்து 114 கிராம் தங்க நகைகளை பறிமுதல் செய்தனா்.
