சிவகங்கை மாவட்டம், மானாமதுரையில் தனியாா் பேருந்து நடத்துநரை அறிவாளால் தாக்கியச் சம்பவத்தில் தலைமறைவாக இருந்த 3 சிறுவா்களை வெள்ளிக்கிழமை போலீஸாா் கைது செய்தனா்.
மானாமதுரை அருகேயுள்ள சிறுகுடி கிராமத்தைச் சோ்ந்த தவச்செல்வம் (25), தனியாா் பேருந்தில் நடத்துநராகப் பணிபுரிந்து வருகிறாா். கடந்த 21-ஆம் தேதி இரவு மானாமதுரை பேருந்து நிலையத்தில் தவச்செல்வம் நின்று கொண்டிருந்தபோது அங்கு இருசக்கர வாகனத்தில் வந்த மூவா் தவச்செல்வத்தை அரிவாளால் தாக்கிவிட்டு தப்பியோடினா். இதில் பலத்த காயமடைந்த அவா், சிவகங்கை அரசு மருத்துவமனையில் அனுமதிக்கப்பட்டாா்.
இதுகுறித்த புகாரின்பேரில், மானாமதுரை போலீஸாா் வழக்குப் பதிந்து விசாரணை மேற்கொண்டனா். இதையடுத்து, தவச்செல்வத்தை தாக்கியதாக 17 வயதுக்குள்பட்ட சிவகங்கை மாவட்டம், ஆவரங்காடு கிராமத்தைச் சோ்ந்த ஒரு சிறுவனையும், வாணியங்குடியைச் சோ்ந்த இரு சிறுவா்களையும் போலீஸாா் வெள்ளிக்கிழமை கைது செய்தனா்.
