நடிகா் விஜய் அதிமுக வாக்குகளைத் தான் பிரிப்பாா்

நடிகா் விஜய் அதிமுக வாக்குகளைத் தான் பிரிப்பாா் என்று திருப்பூா் தெற்கு சட்டப் பேரவை உறுப்பினா் க.செல்வராஜ் கூறினாா்.

ஓரணியில் தமிழ்நாடு தொடா்பாக மத்திய மாவட்ட திமுக அலுவலகத்தில் திருப்பூா் தெற்கு சட்டப் பேரவை உறுப்பினா் க. செல்வராஜ் செய்தியாளா்களிடம் கூறியதாவது:

ஓரணியில் தமிழ்நாடு இயக்கம் தொடங்கப்பட்ட 70 நாள்களில் திருப்பூா் மத்திய மாவட்டத்துக்கு உள்பட்ட தெற்கு மற்றும் பல்லடம் சட்டப் பேரவைத் தொகுதிகளில் மட்டும் 3 லட்சத்து 20 ஆயிரத்து 267 பேரை இணைத்துள்ளோம். தமிழகத்தை பாதுகாக்க ஓரணியில் நின்று போராடுவோம்.

திருச்சியில் பரப்பரை செய்த நடிகா் விஜய்யால் திமுகவை வெல்ல முடியாது . அவா் அரசியல் அனுபவம் இல்லாமல் பக்குவமற்ற வாா்த்தைகளை பேசி வருகிறாா். வயதுக்கு ஏற்ற பேச்சு அவரிடம் இல்லை. நடிகா் விஜய் அதிமுக வாக்குகளை தான் பிரிப்பாா். திமுக வாக்கு வங்கி அப்படியே உள்ளது என்றாா்.