நாசரேத்தில் முட்புதரில் வீசப்பட்ட பச்சிளம் குழந்தையை மீட்ட சிறுவனை போலீஸாா், பொது மக்கள் பாராட்டினா்.
நாசரேத் மணிநகா் பகுதி மில் ரோடு வழியாக பாலமுருகன்-ராஜேஸ்வரி தம்பதியின் மகன் சிவபாலு ( 14) வியாழக்கிழமை சென்றுகொண்டிருந்தாா். அப்போது, சாலையோர முள்புதரில் குழந்தையின் அழுகுரல் கேட்டுள்ளது. உடனே, அவா் அந்தக் குழந்தையை பாதுகாப்பாக எடுத்து வந்து அப்பகுதி மக்களிடம் காண்பித்துள்ளாா்.
இதுகுறித்த தகவலின்பேரில் நாசரேத் காவல் உதவி ஆய்வாளா் சத்தியமூா்த்தி விரைந்து வந்து குழந்தையை மீட்டு, தூத்துக்குடியில் உள்ள குழந்தைகள் காப்பகத்தில் ஒப்படைத்தாா்.
மேலும், சிவபாலு, அவரது பெற்றோரை காவல் நிலையத்திற்கு அழைத்து வந்து பாராட்டி பரிசு வழங்கினாா். குழந்தையை முள்புதரில் வீசிச் சென்றது யாா் என்பது குறித்து போலீஸாா் விசாரணை மேற்கொண்டுள்ளனா்.
