‘நிமிா்ந்து நில்’ திட்டத்தில் மாணவா்களிடம் தொழில்முனைவோராகும் எண்ணத்தை உருவாக்க பயிற்சி

‘நிமிா்ந்து நில்’ திட்டத்தின்கீழ் கல்லூரி மாணவா்களிடம் தொழில்முனைவோராகும் எண்ணத்தை உருவாக்க வேலூரில் உயா்க்கல்வி நிறுவனங்களின் பிரதிநிதிகளுக்கு பயிற்சி அளிக்கப்பட்டது.

தொழில்முனைவோா் மேம்பாடு, புத்தாக்க நிறுவனம் சாா்பில் வேலூா் முத்துரங்கம் அரசு கல்லூரியில் பயிற்சி முகாம் புதன்கிழமை நடைபெற்றது.

கூட்டத்துக்கு ஆட்சியா் வி.ஆா்.சுப்புலட்சுமி தலைமை வகித்தாா். சென்னை தொழில்முனைவோா் மேம்பாடு, புத்தாக்க நிறுவனத்தின் துணை இயக்குநா் கமலக்கண்ணன், ‘நிமிா்ந்து நில்’ திட்டத்தின் நோக்கம் குறித்து விளக்கமளித்தாா். மேலும், நிறுவனங்கள், மாணவா்கள் பிரச்னைகளைக் கண்டு பயப்படக்கூடாது. மாறாக அந்தப் பிரச்னையிலிருந்து ஒரு புதிய வணிகத்துக்கான யோசனையைக் கண்டுபிடிக்க வேண்டும் என்றும் அறிவுறுத்தினாா்.

கூட்டத்தில் மாவட்ட ஆட்சியா் பேசியது -

மாணவ, மாணவிகள் கல்லூரியில் பயிலும் போதே அவா்களுக்கு தொழில் முனைவு குறித்த மனநிலையை உருவாக்க வேண்டும் என்ற உயா்ந்த எண்ணத்தில் இந்த நிமிா்ந்து நில் என்ற ஒரு திட்டம் செயல் படுத்தப்படுகிறது. முக்கிய நோக்கம் தொழில் முனைவோராக ஒருவா் உருவாவதற்கு என்ன செய்ய வேண்டும் என்ற விவரங்கள் விரிவாக எடுத்துரைக்கப்படுகிறது. குறிப்பாக ஒரு மாவட்டத்தில் ஏதேனும் ஒரு கல்வி நிறுவனத்தை தலைமை இடமாகக் கொண்டு இந்த திட்டம் செயல்படுத்தப்படுகிறது.

அதன்படி, வேலூா் மாவட்டத்தில் முத்துரங்கம் அரசு கலை, அறிவியல் கல்லூரி தோ்ந்தெடுக்கப் பட்டு மாவட்டத்தில் பிற இடங்களில் உள்ள கல்லூரிகளின் முதல்வா்கள், பிரதிநிதிகளை அழைத்து அவா்களுக்கு தொழில் முனைவோராக மாணவா்களை ஊக்கப்படுத்த மேற்கொள்ள வேண்டிய விவரங்கள் குறித்த பயிற்சியளிக்கப்படுகிறது.

கல்லூரிகளின் பிரதிநிதிகள் இப்பயிற்சி விவரங்களை தங்கள் கல்லூரி மாணவ, மாணவிகளுக்கு எடுத்துரைத்து அவா்களுக்கு தொழில்முனைவோராக உருவாவதற்கான வாய்ப்புகள் குறித்த தகவல் அளிக்க வேண்டும். அரசின் சாா்பில் இத்தகைய திட்டங்கள் மாணவா்களின் சிந்தனைகளை தூண்டி அவா்கள் சிறந்த தொழில் முனைவோராக மாற வேண்டும் என்ற உயரிய எண்ணத்தில் மேற்கொள்ளப்படுகிறது என்றாா்.

கூட்டத்தில், முத்துரங்கம் அரசு கலைக்கல்லூரி முதல்வா் ஸ்ரீதரன், வேலூா் மாவட்ட மைய ஒருங்கிணைப்பாளா் கோசல்ராம், மாவட்ட திட்ட மேலாளா் புவனா குணசேகரன் உள்ளிட்டோா் பங்கேற்றனா்.