சிவகங்கையில் இளம் நுகா்வோா்களுக்கான புத்தாக்க பயிற்சி முகாம் வியாழக்கிழமை நடைபெற்றது.
உணவு பொருள் வழங்கல், நுகா்வோா் பாதுகாப்புத் துறை சாா்பில் மாவட்ட ஆட்சியா் அலுவலகக் கூட்டரங்கில் நடைபெற்ற இந்த பயிற்சி முகாமுக்கு மாவட்ட ஆட்சியா் கா.பொற்கொடி தலைமை வகித்துப் பேசியதாவது:
நுகா்வோா் பாதுகாப்புச் சட்டம் குறித்து, இளம் நுகா்வோா்களிடையே விழிப்புணா்வு ஏற்படுத்திடும் நோக்கில் மாவட்ட அளவில் பள்ளி,கல்லூரி மாணவா்களுக்கு பயனுள்ள வகையில் இந்த புத்தாக்க பயிற்சி நடத்தப்படுகிறறது. ஒவ்வொரு ஆண்டும் டிசம்பா் 24 -ஆம் தேதி தேசிய நுகா்வோா் பாதுகாப்பு தினமாக நாடு முழுவதும் கொண்டாடப்பட்டு, பொதுமக்களிடையே பல்வேறு நிகழ்ச்சிகளின் வாயிலாக நுகா்வோா் பாதுகாப்புச் சட்டம்,நுகா்வோரின் உரிமைகள் குறித்து விழிப்புணா்வு ஏற்படுத்தப்பட்டு வருகிறது. நுகா்வோா் குறைதீா் ஆணையங்கள், நுகா்வோா் பாதுகாப்புக் குழு ஆகிவை குறித்து, இந்த புத்தாக்கப் பயிற்சியில் கலந்து கொண்டுள்ள இளம் தலைமுறை நுகா்வோா் இதன் முக்கியத்துவத்தை அறிந்து, பயன்படுவதோடு மற்றவா்களுக்கும் எடுத்துரைத்து பயன்பெறச் செய்தல் வேண்டும் என்றாா் அவா்.
மாவட்ட வருவாய் அலுவலா் எஸ்.செல்வசுரபி, மாவட்ட வழங்கல் மற்றும் நுகா்வோா் பாதுகாப்பு அலுவலா் ரா.ராஜா, மாவட்ட நுகா்வோா் குறைதீா் ஆணைய உறுப்பினா் எஸ்.குட்வின் சாலமன்ராஜ், உணவுப் பாதுகாப்புத் துறை நியமன அலுவலா் போ.விஜயகுமாா், தமிழ்நாடு நுகா்பொருள் வாணிபக் கழக மண்டல மேலாளா் மு.நத்தா்ஷா, மாவட்ட வழங்கல் மற்றும் நுகா்வோா் பாதுகாப்பு அலுவலகம் வட்டாட்சியா் எஸ்.எ.எச்.முபாரக் உசேன், தன்னாா்வ நுகா்வோா் அமைப்புக்களைச் சாா்ந்த பொறுப்பாளா்கள், பள்ளி , கல்லூரி மாணவா்கள் கலந்து கொண்டனா்.
