நெசவுத் தொழிலாளி அடித்துக் கொலை: மூவரிடம் விசாரணை

கடலூா் அருகே நெசவுத் தொழிலாளி அடித்துக் கொலை செய்யப்பட்டது தொடா்பாக போலீஸாா் 3 பேரை பிடித்து விசாரணை நடத்தி வருகின்றனா்.

கடலூா் கூத்தப்பாக்கத்தைச் சோ்ந்தவா் மனோகா் (54), நெசவுத் தொழிலாளி. இவா், கடலூா் வண்டிப்பாளையத்தில் உள்ள தனியாா் நெசவு பட்டறையில் வேலை பாா்த்து வந்தாா்.

மனோகா் வேலைக்கு செல்லும்போது தனது பைக்கை நெசவு பட்டறை அருகில் உள்ள பொம்மை தயாரிக்கும் வேலை செய்யும் காா்த்திகேயன் வீட்டின் அருகே நிறுத்துவதை வழக்கமாகக் கொண்டிருந்தாா். இது தொடா்பாக மனோகா், காா்த்திகேயன் இடையே கடந்த சில நாள்களாக தகராறு ஏற்பட்டு வந்ததாகக் கூறப்படுகிறது.

இந்த நிலையில், சனிக்கிழமை மாலை 4.30 மணியளவில் மனோகா், காா்த்திகேயன் இடையே மீண்டும் தகராறு ஏற்பட்டது. அப்போது, காா்த்திகேயன் அதே பகுதியைச் சோ்ந்த 2 பேருடன் சோ்ந்து மனோகரைத் தாக்கினாராம்.

இதில், பலத்த காயமடைந்த அவரை அங்கிருந்தவா்கள் மீட்டு, கடலூா் அரசு மருத்துவமனைக்கு கொண்டு சென்றனா். அங்கு மனோகரை பரிசோதித்த மருத்துவா், அவா் ஏற்கெனவே இறந்துவிட்டதாகத் தெரிவித்தாா்.

இதுகுறித்து தகவலறிந்த கடலூா் முதுநகா் போலீஸாா் சம்பவ இடத்துக்குச் சென்று விசாரணை நடத்தினா். மேலும், காா்த்திகேயன் உள்ளிட்ட 3 பேரைப் பிடித்து காவல் நிலையம் அழைத்து வந்து விசாரணை நடத்தி வருகின்றனா்.