போக்ஸோ வழக்கில் கைது செய்யப்பட்டு திருச்சி மத்திய சிறையில் அடைக்கப்பட்டிருந்த கைதி திங்கள்கிழமை உயிரிழந்தாா்.
தஞ்சாவூா் மாவட்டம், பட்டுக்கோட்டையை அடுத்த சிவக்கொல்லையைச் சோ்ந்தவா் க. சுப்பிரமணியன் (59). இவா் மீது பட்டுக்கோட்டை அனைத்து மகளிா் காவல் நிலையத்தில் அளிக்கப்பட்ட பாலியல் புகாரின்பேரில், போலீஸாா் போக்ஸோ வழக்குப் பதிந்து அவரைக் கைது செய்தனா்.
இந்த வழக்கில் நீதிமன்றம் சாா்பில் அவருக்கு ஆயுள் தண்டனை விதிக்கப்பட்டு திருச்சி மத்திய சிறையில் கடந்த 2018, ஏப்ரல் 24-ஆம் தேதி அடைக்கப்பட்டாா்.
இந்நிலையில், அங்கு அவருக்கு கடந்த ஞாயிற்றுக்கிழமை (ஜூலை 20) உடல்நலக் குறைவு ஏற்பட்டு, திருச்சி மகாத்மா காந்தி நினைவு அரசு மருத்துவமனையில் அனுமதிக்கப்பட்டாா். சிகிச்சை பலனின்றி அவா் திங்கள்கிழமை உயிரிழந்தாா்.
இதுகுறித்து திருச்சி மத்திய சிறை அதிகாரி விக்னேஷ் அளித்த புகாரின்பேரில், கே.கே.நகா் போலீஸாா் வழக்குப் பதிந்து விசாரிக்கின்றனா்.
