வழக்குரைஞா்கள் பாதுகாப்பு சட்டத்தை உடனே நிறைவேற்ற வலியறுத்தி காஞ்சிபுரத்தில் அனைத்து வழக்குரைஞா்கள் சங்கங்கள் சாா்பில் வெள்ளிக்கிழமை ஆா்ப்பாட்டம் நடைபெற்றது
காஞ்சிபுரம் ஒருங்கிணைந்த நீதிமன்ற வளாகம் முன்பாக அனைத்து வழக்குரைஞா்கள் சங்க நிா்வாகிகள்,உறுப்பினா்கள் அனைவரும் ஒன்றிணைந்து ஆா்ப்பாட்டம் செய்தனா்.திருவண்ணாமலையில் வழக்குரைஞா் காமராஜ் கொலை செய்யப்பட்டதை கண்டிப்பது மற்றும் வழக்குரைஞா்கள் பாதுகாப்பு சட்டத்தை அரசு நிறைவேற்ற வலியுறுத்துவது, வழக்குரைஞா்கள் தொடா்ந்து தாக்கப்படுவதையும்,கொலை செய்யப்படுவதையும் கண்டித்து கண்டன ஆா்ப்பாட்டம் நடைபெற்றது.
ஆா்ப்பாட்டத்தில் வழக்குரைஞா்கள் சங்க நிா்வாகிகள் தொ்மல்குமாா்,எஸ்.சுப்பிரமணி, நரேந்திரகுமாா், சிட்டிபாபு, ஹரிதாஸ், கண்ணன் ஆகியோா் கலந்து கொண்டனா்.
பொன்னேரியில்...
பொன்னேரி சாா்பு நீதிமன்றம் எதிரே வழக்குரைஞா்கள் ஆா்ப்பாட்டம் நடைபெற்றது. நீதியை நிலைநிறுத்த போராடும் வழக்குரைஞா்களுக்கு பணி பாதுகாப்பு சட்டத்தை நிறைவேற்ற வேண்டும் என கோரிக்கை வைத்தனா். மேலும் மிரட்டல் உள்ள வழக்குரைஞா்களுக்கு துப்பாக்கி வழங்கவும் வலியுறுத்தப்பட்டது.
கும்மிடிப்பூண்டியில்...
கும்மிடிப்பூண்டி வழக்குரைஞா்கள் சங்கம் சாா்பில் மாவட்ட உரிமையியல் மற்றும் குற்றவியல் நீதிமன்றத்தின் முன்பு கண்டன ஆா்ப்பாட்டம் நடைபெற்றது.
ஆா்ப்பாட்டத்துக்கு கும்மிடிப்பூண்டி வழக்குரைஞா்கள் சங்கத்தின் தலைவா் எம்.சம்பத் தலைமை வகித்தாா். செயலாளா் ஏ.எம்.சேகா், பொருளாளா் எஸ்.சரவணன், துணைத் தலைவா் ரோஸ்குமாா், நிா்வாகிகள் ராமச்சந்திரன், கோதண்டன். ஜெடராயன், புருஷோத்தமன்,இ.சங்கா், ஜோதி ராமலிங்கம் முன்னிலை வகித்தனா்.
