பிகார் வாக்காளர் பட்டியல் திருத்தும் பணி! உச்ச நீதிமன்றத்தில் மனு!
பணித் திறனாய்வுப் போட்டியில் சிறப்பிடம் பெற்ற திருப்பூா் போலீஸாருக்கு மாநகர காவல் ஆணையா் ஆா்.ராஜேந்திரன் பாராட்டு தெரிவித்தாா்.
தமிழக காவல் துறை சாா்பில் 2024-ஆம் ஆண்டுக்கான மாநில அளவிலான பணித் திறனாய்வுப் போட்டிகள் வண்டலூா் ஊனமாஞ்சேரியில் உள்ள தமிழ்நாடு காவல் உயா் பயிற்சியகத்தில் நடைபெற்றன. இந்தப் போட்டிகளில் கலந்து கொண்ட திருப்பூா் மாநகர கணினி வழி குற்ற ஆய்வகப் பிரிவுக் காவல் நிலைய உதவி ஆய்வாளா் கனகவள்ளி, கைரேகை மேம்பாடு போட்டியில் முதலிடம் பெற்று தங்கப் பதக்கம் வென்றாா்.
மேலும் கணினி விழிப்புணா்வுப் போட்டியில் கணினி வழிக் குற்றப் பிரிவுக் காவல் நிலைய முதல்நிலைக் காவலா் தனலட்சுமி வெள்ளிப் பதக்கம் பெற்றாா். திருப்பூா் மாநகர ஆயுதப்படை காவலா் காா்த்திக், காவல் துறை ஒளிப்பதிவுப் போட்டியில் கலந்து கொண்டு வெள்ளிப் பதக்கம் வென்றாா்.
திருப்பூா் மாநகர காவல் துறை மாநில அளவில் 3-ஆம் இடத்தைப் பெற்று சுழற் கோப்பையை வென்றது. வெற்றி பெற்ற காவல் துறையினருக்கு, திருப்பூா் மாநகர காவல் ஆணையா் ஆா்.ராஜேந்திரன் பாராட்டு தெரிவித்தாா்.
