பள்ளி அளவிலான செஸ் போட்டிகள்: மாணவ, மாணவிகள் ஆா்வத்துடன் பங்கேற்பு

திருப்பூரில் நடைபெறும் பள்ளி அளவிலான செஸ் போட்டிகளில் மாணவ, மாணவிகள் ஆா்வத்துடன் பங்கேற்றனா்.

தமிழக அரசின் பள்ளிக் கல்வித் துறை சாா்பில் ஆண்டுதோறும் பள்ளி மாணவா்களுக்கான விளையாட்டுப் போட்டிகள் நடத்தப்பட்டு வருகின்றன. அதன் தொடா்ச்சியாக, நடப்பு கல்வி ஆண்டுக்கான குறுமையத்துக்கு உள்பட்ட அந்தந்த பள்ளி அளவிலான மாணவா்களுக்கு செஸ் போட்டிகள் திருப்பூா் மாவட்டத்துக்கு உள்பட்ட அனைத்து வகைப் பள்ளிகளிலும் வெள்ளிக்கிழமை நடைபெற்றது.

திருப்பூா் மாநகா், நொய்யல் வீதி மாநகராட்சி உயா்நிலைப் பள்ளியில் நடைபெற்ற போட்டிகளுக்கு, பள்ளியின் தலைமையாசிரியா் (பொ) பஷீா் அகமது தலைமை வகித்தாா். சிறப்பு விருந்தினராக ஆல்வின்னா் ஏஞ்சல் கல்வி நிறுவனங்களின் தாளாளா் தங்கராஜன் கலந்து கொண்டாா்.

பள்ளியின் ஆசிரியா்கள் சுதா்மன், ஆய்வக உதவியாளா் ரூபாராணி, ஆசிரியைகள் சாந்தி ராஜினி, நஸ்ரின் பானு ஆகியோா் கண்காணிப்பில் போட்டிகள் நடைபெற்றன. முன்னதாக செஸ் விளையாட்டின் நன்மைகள் மற்றும் போட்டியின் விதிமுறைகளை பள்ளியின் உடற்கல்வி ஆசிரியா் ராமகிருஷ்ணன் விரிவாக கூறினாா்.

இப்போட்டியில் 6-ஆம் வகுப்பு முதல் 10-ஆம் வகுப்பு வரையிலான மாணவ, மாணவிகள் 46 போ் கலந்து கொண்டனா்.

4 சுற்றுகளாக நடைபெற்ற இப்போட்டிகளில் 14 வயதுக்கு உள்பட்ட மாணவா்களுக்கான பிரிவில் முதலிடத்தை ஃபாசில் அகமதுவும், இரண்டாம் இடத்தை ரஃபீக் அகமதுவும் பெற்றனா். இதே பிரிவின் மாணவிகளுக்கான போட்டியில், அனீஷ் ஃபாத்திமா முதலிடமும், நாதிரா இரண்டாமிடமும் பெற்றனா்.

17 வயதுக்கு உள்பட்ட மாணவா்களுக்கான போட்டியில் முகமது ரஜீக் முதலிடமும், முஹம்மது வாஜித் இரண்டாமிடமும் பெற்றனா். இதே பிரிவின் மாணவிகளுக்கான போட்டியில், முஸ்கான் முதலிடமும், அத்தீபா மீனா இரண்டாமிடமும் பெற்றனா். இவா்கள் அனைவரும் ஜூலை 15-ஆம் தேதி நடைபெறவுள்ள குறுமைய அளவிலான போட்டிகளில் பங்கேற்க தகுதி பெற்றுள்ளனா்.