பயணிகள் நிழல்கூடம் அமைப்பதற்கு இடம்: எம்எல்ஏ ஆய்வு

திருவத்திபுரம் (செய்யாறு) நகராட்சி மாா்க்கெட் பகுதியில் பயணியகள் நிழல்கூடம் அமைப்பதற்கான இடத்தை தொகுதி எம்எல்ஏ ஒ.ஜோதி வியாழக்கிழமை பாா்வையிட்டு ஆய்வு செய்தாா்.

நகராட்சி 23-ஆவது வாா்டில், சட்டப்பேரவை உறுப்பினா் தொகுதி மேம்பாட்டு நிதியிலிருந்து ரூ.30 லட்சத்தில் பயணிகள் நிழல்கூடம் அமைக்கப்படுகிறது. இதற்கான இடத்தை ஒ.ஜோதி எம்எல்ஏ பாா்வையிட்டு ஆய்வு செய்தாா்.

அம்மா உணவகத்தில் ஆய்வு

இதைத் தொடா்ந்து, அப்பகுதியில் செயல்பட்டு அம்மா உணவகத்தில் பொதுமக்களுக்கு வழங்கப்பட்டு வரும் உணவின் தரம் குறித்து எம்எல்ஏ, நகராட்சி ஆணையா் கே.எல்.எஸ்.கீதா, நகா்மன்றத் தலைவா் ஆ.மோகனவேல் ஆகியோா் முன்னிலையில் ஆய்வு செய்தாா்

ஆய்வின்போது, நகராட்சிப் பொறியாளா் சிசில் தாமஸ், துப்புரவு ஆய்வாளா் கே.மதனராசன், நகா்மன்ற உறுப்பினா்கள் ரமேஷ், ஞானமணி சின்னதுரை, திமுக நகரச் செயலா் கே.விஸ்வநாதன், மாவட்ட வா்த்தக அணி துணை அமைப்பாளா் வி.கோபு, மாவட்ட சுற்றுச்சூழல் அணித் தலைவா் எஸ்.சிவகுமாா் உள்ளிட்ட பலா் உடனிருந்தனா்.