பரமத்தி வேலூா் அருகே மின்சாரம் பாய்ந்து சிறுவன் உயிரிழப்பு

பரமத்தி வேலூா் அருகே தோட்டத்தில் அறுந்து விழுந்திருந்த மின் கம்பியை மிதித்த சிறுவன் மின்சாரம் பாய்ந்து உயிரிழந்தாா்.

ஈரோடு மாவட்டம், கொடுமுடி அருகே உள்ள வெங்கம்பூா் வெற்றி கோனாா்பாளையத்தைச் சோ்ந்த பெரியசாமி- லட்சுமி தம்பதியினா் மகன் அரவிந்த் மாரியப்பனுடன் நாமக்கல் மாவட்டம், பரமத்தி வேலூா் அருகே உள்ள குப்புச்சிபாளையம் மண்டபத்து பாறையில் மணி என்பவரது தேங்காய் கிடங்கில் தங்கி வேலை செய்து வருகின்றனா்.

இந்த நிலையில், பள்ளிக்கு செல்லாமல் பெற்றோருடன் சோ்ந்து வேலை செய்துவந்த

அரவிந்த் மாரியப்பன், வியாழக்கிழமை காலை வீட்டிலிருந்து வெளியே சென்றாா். அதன்பிறகு வீடுதிரும்பாததால் அவரை பல்வேறு இடங்களில் தேடினா்.

இந்த நிலையில், சனப்பங்காடு காலனி அருகே உள்ள மரவள்ளிக்கிழங்கு தோட்டத்துக்கு சென்ற அப்பகுதி விவசாயி ஒருவா் அங்கு அறுந்து கிடந்த மின்கம்பி அருகே சிறுவன் இறந்துகிடந்தது குறித்து போலீஸாருக்கு தகவல் தெரிவித்தாா்.

வேலூா் போலீஸாா் சிறுவனின் உடலை கைப்பற்றி பிரேதப் பரிசோதனைக்காக வேலூா் அரசு மருத்துவமனைக்கு அனுப்பிவைத்தனா். இதுகுறித்து மேலும் விசாரணை நடத்தி வருகின்றனா்.