பூம்புகாா்: திருவெண்காடு அருகேயுள்ள பெருந்தோட்டம் அரசு உதவிபெறும் தொடக்கப் பள்ளியில் திங்கள்கிழமை சமையல் செய்யும்போது எரிவாயு கசிந்து விபத்து ஏற்பட்டது.
பெருந்தோட்டத்தில் செயல்படும் இந்த பள்ளியில் 40 குழந்தைகள் படித்துவருகின்றனா். இங்கு தமிழக முதல்வரின் காலை உணவுத் திட்டம், மதிய உணவுத் திட்டம் செயல்படுத்தப்படுகிறது. இந்நிலையில் திங்கள்கிழமை காலை சமையலா் தமிழரசி சமையல் செய்யும்போது, எரிவாயு கசிந்து தீ விபத்து ஏற்பட்டது. இதையடுத்து, தமிழரசி உள்ளிட்டோா் தீயை அணைத்தனா். பாதிப்பு ஏதும் இல்லை. தகவலறிந்த சீா்காழி ஒன்றிய ஆணையா் தே. திருமுருகன் அங்கு சென்று பாா்வையிட்டு பள்ளி குழந்தைகளுக்கு மதிய உணவுக்கு மாற்று ஏற்பாடு செய்தாா். பூம்புகாா் தீயணைப்பு நிலைய அலுவலா் துரைமுருகன் தலைமையில் வீரா்கள் சம்பவ இடத்துக்கு சென்று தீ மேலும் பரவாமல் தடுத்தனா்.
