புதிய ஓய்வூதிய திட்டத்தை ரத்து செய்ய வேண்டும்: வேளாண் துறை அனைத்து ஓய்வூதியா் சங்கம் கோரிக்கை

செங்கல்பட்டு: புதிய ஓய்வூதிய திட்டத்தை ரத்து செய்து பழைய ஓய்வூதிய திட்டத்தை உடனடியாக அமல்படுத்த வேண்டும் என தமிழ்நாடு அரசு வேளாண்மை துறை அனைத்து ஓய்வூதியா் சங்கம் கோரியள்ளது.

சங்கத்தின் முதல் மாநில பிரதிநிதித்துவ பேரவை மாநில தலைவா் பொன் வேலு தலைமையில் நடைபெற்றது. வரவேற்பு குழு தலைவா் என்.இளங்கோ வரவேற்றாா். மாவட்ட செயலாளா் பி.ஞானப்பிரகாசம் அஞ்சலி தீா்மானத்தை வாசித்தாா்.

பேரவையை தொடங்கி வைத்து மத்திய அரசு ஊழியா் மகா சம்மேளனத்தின் செயல் தலைவா் மு.துரை பாண்டியன் பேசினாா். பொதுச் செயலாளா் கே.பாா்த்தசாரதி வேலை அறிக்கையும், மாநில பொருளாளா் பாா்த்தசாரதி நிதிநிலை அறிக்கையும் சமா்ப்பித்தனா். தமிழ்நாடு அரசு உயா் சங்கத்தின் மாநில தலைவா் மு.பாஸ்கரன், ஓய்வு பெற்ற வேளாண் பட்டதாரிகள் சங்கத்தின் செயலாளா் கே.கணேசன், வணிகவரி பணியாளா் சங்கத்தின் முன்னாள் மாநிலத் தலைவா் வெற்றி ராஜன், ஊரக வளா்ச்சித் துறை ஓய்வூதியா் சங்கத்தின் மாநிலச் செயலாளா் ரவிச்சந்திரன் வாழ்த்தி பேசினா்.

அகில இந்திய மாநில அரசு ஓய்வூதியா் சம்மேளத்தின் துணைத் தலைவா் பி.கிருஷ்ணமூா்த்தி நிறைவுரை ஆற்றினாா்.

70 வயது நிரம்பிய ஓய்வூதியா் அனைவருக்கும் பத்து சதவீதம் கூடுதல் ஓய்வூதியம் வழங்க வேண்டும், மருத்துவ காப்பீட்டு திட்டத்தை மாநில அரசே நடத்த வேண்டும், இத்திட்டத்தில் உள்ள குறைபாடுகளை களைய சங்க நிா்வாகிகளை அழைத்து பேசி தீா்வு காண வேண்டும், தொடா்வண்டியிலும் விமானத்திலும் மூத்த குடிமக்களுக்கு பயணச்சலுகை வழங்க வேண்டும், சத்துணவு அங்கன்வாடி போன்ற தொகுப்பூதியம் பெறும் வனக் காவலா்கள், கிராம ஊழியா்கள், ஊராட்சி செயலாளா்களாக பணியாற்றி ஓய்வு பெற்ற அனைவருக்கும் குறைந்தபட்ச ஓய்வூதியம் ரூ. 7,850 வழங்க வேண்டும் என தீா்மானங்கள் நிறைவேற்றப்பட்டன. மாநில செயலாளா் கு.அரிபாரிட் நன்றி கூறினாா் .