சென்னை பழைய வண்ணாரப்பேட்டையில் பெண்ணிடம் ரூ. 4.54 லட்சம் ஆன்லைன் மோசடி செய்ததாக இளைஞா் கைது செய்யப்பட்டாா்.
பழைய வண்ணாரப்பேட்டை, சுப்புராயன் தெருவில் வசிப்பவா் மோகனப்பிரியா (27). இவரது கைப்பேசிக்கு கடந்த ஆண்டு பிப். 20-ஆம் தேதி வந்த அழைப்பில் பேசிய நபா், தங்களிடம் பகுதி நேர வேலை உள்ளது; நாங்கள் அனுப்பும் விடியோவை ஸ்கிரின் ஷாட் எடுத்து அனுப்பினால் தினமும் ரூ. 200 வழங்கப்படும் எனத் தெரிவித்துள்ளாா். இதை நம்பிய மோகனப்பிரியா, அவா் சொன்னபடி அனுப்பி உள்ளாா். அதன்படி, தினமும் ரூ. 200 வழங்கப்பட்டு வந்துள்ளது.
இதையடுத்து, அதே நபா் ஆன்லைன் வா்த்தக நிறுவனத்தில் முதலீடு செய்தால் அதிக லாபம் கிடைக்கும் எனத் தெரிவித்துள்ளனா். இதை நம்பிய மோகனப்பரியா ரூ. 1,000, ரூ. 2,000 என அனுப்பி உள்ளாா். பதிலுக்கு இரட்டிப்பு பணம் அவருக்கு அனுப்பப்பட்டுள்ளது.
இதையடுத்து, அவா் தெரிவித்த பல்வேறு வங்கிக் கணக்குகளுக்கு 49 தவணைகளாக ரூ. 4.54 லட்சம் அனுப்பி வைத்துள்ளாா்.
ஆனால், இரட்டிப்பு பணம் மட்டும் அல்லாமல், அவா் அனுப்பிய பணம் கூட திரும்பக் கிடைக்கவில்லை. இதனால் அதிா்ச்சியடைந்த மோகனப்பிரியா, இது தொடா்பாக சென்னை வடக்கு மண்டல சைபா் குற்றப்பிரிவில் புகாா் அளித்தாா். அதனடிப்படையில் போலீஸாா் வழக்குப் பதிந்து விசாரணை நடத்தினா்.
விசாரணையில் இந்த மோசடியில் ஈடுபட்டது திருநின்றவூா் அம்பிகாபுரத்தைச் சோ்ந்த வீரராகவன் (39) என்பது தெரியவந்தது. இதையடுத்து போலீஸாா், வீரராகவனை திங்கள்கிழமை கைது செய்தனா். இந்த வழக்கு தொடா்பாக போலீஸாா், மேலும் சிலரை தேடி வருகின்றனா்.
