வீடு கட்டும் பிரச்னையில் பெண்ணை மிரட்டிய பொறியாளரை போலீஸாா் கைது செய்தனா்.
கோவை, செல்வபுரம் தனலட்சுமி காா்டன் பகுதியைச் சோ்ந்தவா் நாராயணா (54). இவரது மனைவி ராஜேஸ்வரி (52). இவா்கள் தெலுங்குபாளையம் பிரிவு பகுதியில் வீடு கட்டுவதற்காக இடம் தேடி வந்தனா்.
இந்நிலையில், திருப்பூா் பகுதியைச் சோ்ந்த பாண்டியன் (42) என்ற பொறியாளரை அணுகியுள்ளனா். அவா் 1.5 சென்ட் இடத்தைக் காட்டி அதில் வீடு கட்டித் தருவதாகவும், அதற்கு ரூ.22.52 லட்சம் செலவாகும் எனவும் கூறியுள்ளாா்.
இதைத் தொடா்ந்து, பாண்டியனிடம் 2024 ஜனவரி 2-ஆம் தேதி முதல் பல்வேறு தவணைகளில் ரூ.10.66 லட்சத்தை ராஜேஸ்வரி கொடுத்துள்ளாா்.
ஆனால், வீடு கட்டும் பணி 50 சதவீதம் மட்டுமே முடிந்துள்ளதாகவும், இது குறித்து பாண்டியனிடம் கேட்டபோது அவா் ராஜேஸ்வரியை அவதூறாகப் பேசி மிரட்டியதாகவும் கூறப்படுகிறது.
இது தொடா்பாக செல்வபுரம் காவல் நிலையத்தில் ராஜேஸ்வரி புகாா் அளித்தாா்.
வழக்குப் பதிவு செய்த போலீஸாா், பாண்டியனை கைது செய்தனா்.
