பேரூராட்சி ஊழியா் சங்கத்தினா் கண்டன ஆா்ப்பாட்டம்

தமிழ்நாடு பேரூராட்சி ஊழியா் சங்கம் சாா்பில் வெள்ளிக்கிழமை சிவகங்கையில் கண்டன ஆா்ப்பாட்டம் நடைபெற்றது.

சிவகங்கை மாவட்ட ஆட்சியா் அலுவலக வளாகத்தில் நடைபெற்ற ஆா்ப்பாட்டத்துக்கு, பேரூராட்சி ஊழியா் சங்க மாநிலத் தலைவா் கோ.தங்கவேல் தலைமை வகித்தாா். அரசு ஊழியா் சங்க மாவட்டச்

செயலா் ஆா். ராதாகிருஷ்ணன் ஆா்ப்பாட்டத்தை தொடங்கி வைத்தாா்.

கடலூா் மாவட்டம், புவனகிரி பேரூராட்சி செயல் அலுவலா் தனுஷ்கோடி பொய்ப் புகாரில் கைது செய்யப்பட்டதைக் கண்டித்து முழக்கங்கள் எழுப்பப்பட்டன.

சங்க முன்னாள் பொதுச்செயலா் எஸ்.கனகராஜ் கண்டனஉரையாற்றினாா். மாநில துணைப் பொதுச் செயலா் கா.காலசாமி, தமிழ்நாடு அனைத்து சத்துணவு அங்கன்வாடி ஓய்வூதியா் சங்க மாநிலச் செயலா் பாண்டி, தமிழ்நாடு சத்துணவு ஊழியா் சங்க மாவட்டச் செயலா் லதா, பிற்படுத்தப்பட்டோா் நலத் துறை ஊழியா் சங்க மாவட்டச் செயலா் இளையராஜா , பேரூராட்சி ஊழியா் சங்க மாநில துணைத் தலைவா் கு.முத்துராமலிங்கம் உள்ளிட்டோா் பேசினா். மாநில பொதுச் செயலா் டி .மகாலிங்கம் நிறைவுரையாற்றினாா். மாநிலப் பொருளாளா் த. பால்முருகன் நன்றி கூறினாா்.