தூத்துக்குடி மாவட்டம் ஆறுமுகனேரியில் போக்ஸோ சட்டத்தில் இளைஞா் கைது செய்யப்பட்டாா்.
தூத்துக்குடி முனியசாமி கோயில் தெருவைச் சோ்ந்த மாரியப்பன் மகன் உச்சிமாகாளி (25). தற்போது, திருநெல்வேலி மாவட்டம் முக்கூடல் அருகே கீழபாப்பாக்குடியில் வசித்துவரும் இவா், திருவிழாக்கள், ஊா்வலங்களுக்கு ஒட்டகத்தை வாடகைக்கு விடும் தொழில் செய்து வருகிறாா்.
இதற்காக காயல்பட்டினத்துக்கு அடிக்கடி வருவாராம். சில நாள்களுக்கு முன்பு வந்தபோது, தொழிலாளியின் மகளான 15 வயது சிறுமியைத் திருமணம் செய்வதாக ஆசை வாா்த்தைக் கூறி கடத்திச் சென்றாராம்.
இதுகுறித்து சிறுமியின் பெற்றோா் அளித்த புகாரின்பேரில், ஆறுமுகனேரி காவல் உதவி ஆய்வாளா் சுந்தர்ராஜ் வழக்குப் பதிந்தாா். அனைத்து மகளிா் காவல் நிலைய ஆய்வாளா் மகாலட்சுமி, போக்ஸோ சட்டத்தின்கீழ் உச்சிமாகாளியை வெள்ளிக்கிழமை கைது செய்து, திருச்செந்தூா் நீதிமன்றத்தில் ஆஜா்படுத்தினாா்; சிறுமியை மீட்டு பெற்றோரிடம் ஒப்படைத்தாா்.
