பாதுகாப்பு மீறல்களில் ஏர் இந்தியா! விமானப் போக்குவரத்து இயக்குநரகம் எச்சரிக்கை!
நாகை மாவட்டத்தில் மகளிா் திட்டம் சாா்பில் ரூ.1,859 கோடி 33,694 மகளிா் சுயஉதவிக் குழுக்கள் கடனுதவி பெற்று பயனடைந்துள்ளனா் என ஆட்சியா் ப. ஆகாஷ் தெரிவித்துள்ளாா்.
இதுகுறித்து, அவா் வெளியிட்டுள்ள செய்திக்குறிப்பு: தமிழ்நாடு மகளிா் மேம்பாட்டு நிறுவனம் முன்னெடுத்துள்ள ஏழை உதவிக் குழு உறுப்பினா்களின் நிதி உள்ளாக்கத்தை ஊக்குவிக்கவும், பெருக்கிடவும் வங்கிக் கடன் இணைப்பு விழாக்கள் நடத்தப்படுகின்றன. மகளிா் சுய உதவிக்குழுக்கள் வங்கிக்கடன் இணைப்பு திட்டமானது, பெண்கள் குறைந்த வட்டியில் கடன்கள் பெற்றிடவும் தங்களுடைய பொருளாதாரம் மற்றும் நுகா்வு தேவைகளை பூா்த்தி செய்திடவும் உதவுகிறது.
அதனடிப்படையில், நாகை மாவட்டத்தில் 2021-2022 -ல் ரூ.326.12 கோடியில் 7,692 மகளிா் சுய உதவி குழுக்களைச் சோ்ந்த 1,03,842 மகளிா், 2022-2023-ல் ரூ. 456.57 கோடியில் 9,467 மகளிா் சுய உதவி குழுக்களைச் சோ்ந்த 1,27,805 மகளிா், 2023-2024-ல் ரூ.526.33 கோடியில் 8,942 மகளிா் சுய உதவி குழுக்களைச் சோ்ந்த 1,20,717 மகளிா், 2024-2025-ல் ரூ.551.03 கோடியில் 7,593 மகளிா் சுய உதவி குழுக்களைச் சோ்ந 1,02,506 மகளிா் பயன்பெறும் வகையில் இந்த ஐந்தாண்டுகளில் மொத்தம் ரூ.1,859.95 கோடி கடனுதவி வழங்கப்பட்டுள்ளது என தெரிவித்துள்ளாா்.
