மக்கள் நலத் திட்டங்களுக்கு உடனடி ஒப்புதல்: புதுவை ஆளுநருக்கு அதிமுக பாராட்டு

புதுவை மாநிலத்தில் மக்கள் நலத் திட்ட கோப்புகளுக்கு துணைநிலை ஆளுநா் கே.கைலாஷ்நாதன் உடனடியாக அனுமதி அளித்து வருகிறாா் என அதிமுக மாநிலச் செயலா் ஏ.அன்பழகன் கூறினாா்.

புதுச்சேரியில் வியாழக்கிழமை செய்தியாளா்களிடம் அவா் கூறியதாவது: புதுவை அரசு சாா்பில் அனுப்பிவைக்கப்படும் மக்கள் நலத் திட்ட கோப்புகளுக்கு துணைநிலை ஆளுநா் கே.கைலாஷ்நாதன் உடனடியாக ஒப்புதல் அளித்து வருகிறாா்.

ஆனால், துணைநிலை ஆளுநா்-முதல்வரிடையே பனிப்போா் இருப்பதாகக் கூறப்படுவது மாநிலத்தின் வளா்ச்சிக்கு நல்லதல்ல. இருவரும் பேசி முடிவெடுத்து செயல்பட்டால்தான் மாநிலம் வளா்ச்சியடையும். தனியாா் மருத்துவக் கல்லுாரிகளில் அரசுக்கான 50 சதவீத இடங்களை முதல்வரும், துணைநிலை ஆளுநரும் பெற்றுத்தர வேண்டும்.

ஆபரேஷன் சிந்தூா் குறித்து பிரதமரின் நடவடிக்கையை விமா்சித்தவா்கள் மீது தேசிய பாதுகாப்புச் சட்டத்தின் கீழ் நடவடிக்கை எடுக்க வேண்டும்.

புதுவை அரசு சிபிஎஸ்இ பாடத் திட்டத்தை செயல்படுத்திய நிலையில், ஆசிரியா்கள் பற்றாக்குறையை சரிசெய்யவில்லை. இதனால், தோ்வில் அதிகமானோா் தோல்வியடைந்துள்ளனா். அவா்களுக்கு வரும் 30-ஆம் தேதிக்குள் மறுதோ்வு நடத்த வேண்டும் என்றாா் ஆ.அன்பழகன்.