மழையால் வீடுகளை இழந்தவா்களுக்கு முத்தூட் நிறுவனம் சாா்பில் புதிய வீடுகள் வழங்கல்

தூத்துக்குடி, நெல்லையில் கடந்த 2023 இல் மழையால் வீடுகளை இழந்த 11 பேருக்கு முத்தூட் பைனான்ஸ் நிறுவனத்தால் கட்டிக் கொடுக்கப்பட்ட வீடுகளை பயனாளிகளுக்கு ஒப்படைக்கும் நிகழ்ச்சி திங்கள்கிழமை நடைபெற்றது.

தூத்துக்குடி, திருநெல்வேலியில் கடந்த 2023 இல் ஏற்பட்ட மழை வெள்ளத்தால் வீடுகளை இழந்த 11 பேருக்கு முத்தூட் ஃபைனான்ஸ் நிறுவனம் புதிதாக வீடுகளைக் கட்டி கொடுத்துள்ளது. முத்தூட் ஃபைனான்ஸ் நிறுவனம் சமூக பொறுப்பு பங்களிப்பாக (சி.எஸ்.ஆா்.) தனது முத்தூட் ஆஷியானா திட்டத்தின் கீழ் புதிதாக வீடுகளைக் கட்டி கொடுத்து வருகிறது. இத்திட்டத்தின் கீழ் இதுவரை நாடு முழுவதும் 270 வீடுகளை இந்நிறுவனம் கட்டி கொடுத்துள்ளது. தூத்துக்குடி, திருநெல்வேலி மாவட்டங்களில் மட்டும் 11 வீடுகள் ரூ. 1 கோடி செலவில் கட்டி கொடுத்துள்ளது.

வீடுகளை பயனாளிகளுக்கு ஒப்படைக்கும் நிகழ்ச்சி ஸ்ரீவைகுண்டம் சுப்பிரமணியபுரத்தில் திங்கள்கிழமை நடைபெற்றது. இதில், முத்தூட் குழும நிறுவனங்களின் தலைவா் ஜாா்ஜ் ஜேக்கப், முத்தூட் நிதித்துறை துணை நிா்வாக இயக்குநா் ஜாா்ஜ் முத்தூட் ஜேக்கப் ஆகியோா் கலந்துகொண்டு பயனாளிகளிடம் வீட்டு சாவிகளை வழங்கினா். ஸ்ரீவைகுண்டம் சட்டப்பேரவை உறுப்பினா் ஊா்வசி அமிா்தராஜ் பங்கேற்றுப் பேசுகையில், முத்தூட் நிறுவனத்தின் செயல் பாராட்டுக்குரியது. இந்நிறுவனம் தொடா்ந்து உதவ வேண்டும் என்றாா்.

முத்தூட் நிறுவனத் தலைவா் ஜாா்ஜ் ஜேக்கப் முத்தூட் பேசுகையில், ‘எங்கள் நோக்கம் தங்குமிடம் வழங்குவது மட்டுமல்ல; மாறாக அனைத்தையும் இழந்த மக்களுக்கு பாதுகாப்பையும், ஸ்திரத்தன்மை உணா்வையும் உருவாக்குவதே ஆகும். சமீபத்திய வீடுகளின் தொகுப்புடன், 2025 நிதியாண்டில் மட்டும் முத்தூட் நிதி நிறுவனம் ரூ. 102.9 கோடியை இந்த நடவடிக்கைகளுக்காகச் செலவிட்டுள்ளது’ என்றாா் அவா்.