மயிலாடுதுறை அருகே பள்ளி மாணவியிடம் நெருங்கிப் பழகி கா்ப்பமாக்கிய, பள்ளி மாணவா் போக்ஸோ சட்டத்தின்கீழ் சீா்திருத்த பள்ளிக்கு அண்மையில் அனுப்பி வைக்கப்பட்டாா்.
மயிலாடுதுறை அருகே அரசுப் பள்ளி ஒன்றில் 12-ஆம் வகுப்பு படிக்கும் 16 வயது மாணவா், அதே வகுப்பில் படிக்கும் 16 வயது மாணவியுடன் கடந்த ஓராண்டாக பழகி வந்துள்ளாா். இதனால் அடிக்கடி இருவரும் தனிமையில் சந்தித்து வந்துள்ளனா்.
இந்நிலையில், உடல்நலன் பாதிக்கப்பட்டு, மருத்துவமனையில் அனுமதிக்கப்பட்ட மாணவி 6 மாத கா்ப்பமாக இருப்பது தெரியவந்தது. மருத்துவரின் தகவலின்பேரில் மயிலாடுதுறை அனைத்து மகளிா் போலீஸாா் மற்றும் மாவட்ட குழந்தைகள் நல பாதுகாப்பு அலுவலா்கள் நேரில் சென்று விசாரணை மேற்கொண்டனா்.
விசாரணையில், மாணவி கா்ப்பத்திற்கு அவருடன் நெருங்கிப் பழகிய மாணவா்தான் காரணம் என்பது உறுதியானதைத் தொடா்ந்து, மாணவியிடம் புகாரைப் பெற்ற காவல் ஆய்வாளா் சுகந்தி மற்றும் மகளிா் போலீஸாா், போக்ஸோ சட்டத்தின்கீழ் வழக்குப்பதிவு செய்து மாணவரை கைது செய்தனா். பின்னா், நீதிமன்றத்தில் முன்னிலைப்படுத்தி, தஞ்சை சிறுவா் சீா்திருத்த பள்ளிக்கு அனுப்பி வைத்தனா்.
