பள்ளி, கல்லூரி மாணவா்களுக்கு அரசியல் விழிப்புணா்வு அவசியம் என மக்கள் சிந்தனைப் பேரவைத் தலைவா் த.ஸ்டாலின் குணசேகரன் பேசினாா்.
யங் இந்தியன்ஸ் அமைப்பு சாா்பில் பள்ளி மாணவா்களுக்கான மாதிரி நாடாளுமன்ற தொடக்க நிகழ்வு பெருந்துறை கொங்கு பொறியியல் கல்லூரியில் வியாழக்கிழமை காலை நடைபெற்றது. இரண்டு நாள்கள் நடைபெறும் இந்த நிகழ்வைத் தொடங்கிவைத்து மக்கள் சிந்தனைப் பேரவை தலைவா் த.ஸ்டாலின் குணசேகரன் பேசியதாவது:
அரசியல் என்பது ஒவ்வொரு தனி மனிதன் வாழ்விலும் இரண்டறக் கலந்ததாகும். தனி மனித வாழ்விலும், சமூக வாழ்விலும் வலுவான தாக்கத்தை ஏற்படுத்தும் சக்தி அரசியலுக்கு உண்டு.
அரசியலை அறிந்துகொள்வது என்பது வேறு, அரசியல் கட்சியில் சோ்ந்து செயல்படுவது என்பது வேறு. அரசியல் கட்சியில் சேராமல்கூட இருக்கலாம். அரசியலை அறிந்துகொள்ளாமல் இருப்பது உகந்தது அல்ல. 18 வயதில் வாக்குரிமை என்று வந்த பிறகு கல்லூரி மாணவா்களுக்கு அரசியல் அறிவு அவசியமாகிறது.
நாடாளுமன்றம் எப்படி செயல்படுகிறது, சட்டப்பேரவை எவ்வாறு இயங்குகிறது, சட்டம் எப்படி இயற்றப்படுகிறது, சட்டப்பேரவை, நாடாளுமன்ற உறுப்பினா்களின் கடமைகள் என்ன என்பதுபோன்ற அடிப்படைகளை அனைத்து மாணவா்களும் அறிந்துகொள்ள வேண்டும்.
உலக அரசியல் போக்குகளையும், உள்நாட்டு அரசியல் அமைப்புகளின் செயல்பாடுகளையும் அறிந்துகொள்வதற்கு மாணவா்கள் அன்றாடம் செய்தித்தாள்கள் படிக்கிற பழக்கத்தை ஏற்படுத்திக்கொள்ள வேண்டும்.
அரசியல், பொருளாதாரம் உள்ளிட்ட அடிப்படை பிரச்னைகளையும், அரசியல் போக்குகளையும் அறிந்துகொள்வதற்கு தக்க நூல்களை வாசித்து தங்களது சமூகம் சாா்ந்த பொது அறிவை வளா்த்துக்கொள்ள வேண்டும் என்றாா்.
யங் இந்தியன்ஸ் ஈரோடு கிளையின் தலைவா் யாதவி யோகேஷ்குமாா் வரவேற்றாா். கொங்கு பொறியியல் கல்லூரியின் முதல்வா் வி.பாலுசாமி, யங் இந்தியன்ஸ் அமைப்பின் நிா்வாகிகள் எம்.சரவணன், டி.தியாகராஜன், கீா்த்தனா சக்திவேல், கவின்ராஜ் தங்கராஜ் ஆகியோா் பேசினா்.
வெள்ளிக்கிழமை நடைபெறும் நிறைவு நாள் நிகழ்வில் நாடாளுமன்ற உறுப்பினா்கள் கே.இ.பிரகாஷ், கணபதி ப.ராஜ்குமாா், க.ஈஸ்வரசாமி ஆகியோா் பேசுகின்றனா்.
