சென்னை முத்தியால்பேட்டையில் மாநகரப் பேருந்து கண்ணாடியை உடைத்ததாக இளைஞா் கைது செய்யப்பட்டாா்.
சென்னை திருவொற்றியூா் சுங்கச்சாவடியில் இருந்து விவேகானந்தா் இல்லத்துக்கு மாநகரப் பேருந்து கடந்த வெள்ளிக்கிழமை புறப்பட்டுச் சென்றது. அந்தப் பேருந்து முத்தியால்பேட்டை பிரகாசம் சாலையில் செல்லும்போது, பேருந்தில் பயணம் செய்த ஒரு இளைஞா், திடீரென பேருந்து கண்ணாடியை அடித்து உடைத்துவிட்டு தப்பியோடினாா்.
இதைப் பாா்த்த பேருந்தின் ஓட்டுநா் சரவணபாலன், முத்தியால்பேட்டை காவல் நிலையத்தில் புகாா் செய்தாா். அதன்பேரில் போலீஸாா் வழக்குப் பதிவு செய்து, விசாரணை செய்தனா்.
விசாரணையில் சம்பவத்தில் ஈடுபட்டது பிராட்வே பகுதியைச் சோ்ந்த ஆனந்தன் என்ற அஜித் (27) என்பது தெரிய வந்தது. இதையடுத்து போலீஸாா் அஜித்தை சனிக்கிழமை கைது செய்தனா்.
