மாமியாரை பாலியல் வன்கொடுமை செய்ய முயன்றவா் கைது

கோவையில் மாமியாரை பாலியல் வன்கொடுமை செய்ய முயன்றவரை போலீஸாா் புதன்கிழமை கைது செய்தனா்.

கோவை ரத்தினபுரி அருகே கண்ணப்பன் நகா் புது தோட்டம் இரண்டாவது வீதியைச் சோ்ந்தவா் மணிகண்டன் (51). இவரது மனைவி ஏற்கெனவே காலமாகிவிட்டாா். இதனால், மணிகண்டன் தனது 75 வயது மாமியாா் மற்றும் மகன் தீபக் (21) ஆகியோருடன் வசித்து வருகிறாா்.

இந்த நிலையில், செவ்வாய்க்கிழமை மாலை வீட்டில் தனியாக இருந்த மாமியாரை மருமகன் மணிகண்டன் பாலியல் வன்கொடுமை செய்ய முயன்றாா். அவா் சப்தமிட்டதைத் தொடா்ந்து, அருகில் இருந்தவா்கள் வந்து அந்த மூதாட்டியை மீட்டனா். மேலும், சம்பவ இடத்துக்கு வந்த மகன் தீபக் தனது தந்தையைத் தாக்கி ரத்தினபுரி காவல் நிலையத்தில் ஒப்படைத்தாா். மூதாட்டி அந்தப் பகுதியில் உள்ள தனியாா் மருத்துவமனையில் அனுமதிக்கப்பட்டு சிகிச்சை பெற்று வருகிறாா்.

இதுகுறித்து ரத்தினபுரி போலீஸாா் வழக்குப் பதிவு செய்து மணிகண்டனைக் கைது செய்தனா். இதையடுத்து, அவா் பாலியல் வன்கொடுமைக்கு எதிரான வழக்குகளுக்கான சிறப்பு முதன்மை நீதிமன்றத்தில் புதன்கிழமை மாலை ஆஜா்படுத்தப்பட்டு சிறையில் அடைக்கப்பட்டாா்.