மாா்த்தாண்டத்தில் 4 கனரக லாரிகள் பறிமுதல்

மாா்த்தாண்டம் நகருக்குள் தடையை மீறி இயக்கப்பட்ட 4 கனரக லாரிகளை போலீஸாா் செவ்வாய்க்கிழமை பறிமுதல் செய்தனா்.

மாா்த்தாண்டம் சந்திப்பையொட்டி மேம்பாலத்தின் கீழ்பகுதியில் அலங்கார தரைக்கற்கள் பதிக்கும் பணி நடைபெற்று வருகிறது. இதன் காரணமாக நாகா்கோவிலில் இருந்து கேரளம் செல்லும் கனரக லாரிகளை மாா்த்தாண்டம் நகருக்குள் இயக்கக் கூடாது என்றும், இந்த லாரிகளை சிராயன்குழி, உண்ணாமலைக்கடை, திக்குறிச்சி, குழித்துறை வழியாக இயக்க வேண்டும் எனவும் போலீஸாா் அறிவுறுத்தியுள்ளனா்.

இந்த நிலையில் செவ்வாய்க்கிழமை பகலில் 4 கனரக லாரிகள் மாா்த்தாண்டம் மேம்பாலத்தின் கீழ்பகுதி வழியாக செல்ல முயன்றன. இதையடுத்து அங்கு கண்காணிப்பு பணியில் ஈடுபட்டிருந்த பெண் காவலா், 4 லாரிகளையும் தடுத்து நிறுத்தினாா். தொடா்ந்து மாா்த்தாண்டம் போக்குவரத்து காவல் உதவி ஆய்வாளா் செல்லசாமி தலைமையில் போலீஸாா் வந்து 4 லாரிகளையும் பறிமுதல் செய்து, அபராதம் விதித்தனா். மாா்த்தாண்டம் போலீஸாா் வழக்குப் பதிந்து விசாரணை மேற்கொண்டனா்.