மின்சாரம் பாய்ந்ததில் முதியவா் உயிரிழப்பு

சிவகங்கை மாவட்டம், இளையான்குடி அருகே மின்சாரம் பாய்ந்ததில் முதியவா் வியாழக்கிழமை உயிரிழந்தாா்.

இளையான்குடியை அடுத்த கச்சாத்தநல்லூா் வடக்கு குடியிருப்பைச்  சோ்ந்தவா் வேலுச்சாமி (69). இவரது வீட்டின் அருகே இருந்த மரம், வியாழக்கிழமை திடீரென சாய்ந்து அங்கிருந்த மின் கம்பத்தின் மீது விழுந்தது. இதில் மின் கம்பம் முறிந்து அங்கு நின்றுகொண்டிருந்த வேலுச்சாமி மீது விழுந்ததில், மின்சாரம் பாய்ந்து அவா் உயிரிழந்தாா்.

இந்தச் சம்பவம் குறித்து  இளையான்குடி காவல் நிலைய போலீஸாா் வழக்குப் பதிந்து விசாரித்து வருகின்றனா்.