மும்பை: கட்டிலுக்கு அடியில் சடலமாக மீட்கப்பட்ட 63 வயது பெண்; தலைமறைவான பார்ட்னருக்கு வலைவீச்சு

மும்பை கோரேகாவ் மோதிலால் நகரில் வசித்து வந்தவர் ராகினி (63). இவர் பிரதாப் என்பவருடன் சேர்ந்து வாழ்ந்து வந்தார்.

பிரதாப்பிற்கு ஏற்கனவே திருமணமாகி மனைவி, குழந்தைகள் இருக்கின்றன. முதல் மனைவியை முறைப்படி விவாகரத்து செய்யாமல் ராகினியைத் திருமணம் செய்து கொண்டு பிரதாப் வசித்து வந்தார்.

ராகினியுடன் அவரது தாயாரும் வசித்து வந்தார். இரண்டு ஆண்டுகளுக்கு முன்பு ராகினியின் தாயார் இறந்துவிட்டார்.

இந்நிலையில் வீட்டுக் கதவைப் பூட்டிவிட்டு தானும், தனது மனைவியும் வெளியில் செல்வதாகக் கூறி வீட்டுச் சாவியைப் பக்கத்து வீட்டில் வசிப்பவரிடம் கொடுத்துவிட்டு பிரதாப் வெளியில் புறப்பட்டுச் சென்றார்.

அதன் பிறகு அவரது போன் ஸ்விட்ச் ஆப் செய்யப்பட்டு இருந்தது. இரண்டு நாள் ஆகிவிட்ட நிலையில் பிரதாப் வீட்டிலிருந்து கெட்ட வாசனை வந்தது.

உடனே பக்கத்து வீட்டுக்காரர்கள் இது குறித்து காவல்துறைக்குத் தகவல் கொடுத்தனர். அதோடு ராகினியின் உறவினருக்கும் தகவல் கொடுத்தனர்.

போலீஸார் விரைந்து வந்து வீட்டுக் கதவைத் திறந்து பார்த்தபோது உள்ளே ராகினியைக் காணவில்லை. அதன் பிறகு அங்கிருந்த படுக்கை பாக்ஸை திறந்து பார்த்தபோது உள்ளே ராகினியின் உடல் இருந்தது.

உடனே அவரது உடல் மருத்துவமனைக்குக் கொண்டு செல்லப்பட்டது. ராகினியின் பார்ட்னர் பிரதாப் தலைமறைவாகிவிட்டார்.

ராகினியின் உடலைப் பிரேதப் பரிசோதனை செய்து பார்த்தபோது அவர் கழுத்தை நெரித்து கொலை செய்யப்பட்டு இருப்பது தெரிய வந்தது.

இது குறித்து ராகினியின் உறவினர் கூறுகையில், தம்பதிக்குள் அடிக்கடி வாக்குவாதம் நடப்பதுண்டு. ஆனால் பெரிய அளவில் அவர்களுக்குள் கருத்து வேறுபாடு இருந்தது எங்களுக்குத் தெரியாது.

ராகினி பெயரில் சொத்து இருக்கிறது. எனவே சொத்துக்காக இக்கொலை நடந்ததா என்பது குறித்து போலீஸார் விசாரிக்கவேண்டும்.

கடந்த சில நாட்களுக்கு முன்பு ராகினி வீட்டிலிருந்து நகைகள் திருட்டுப் போனது. ஆனால் அவை இன்னும் கண்டுபிடிக்கப்படவில்லை'' என்று தெரிவித்தார்.

பிரதாப் டாக்சி ஓட்டி வந்தார். ஆனால் சமீப காலமாக அவர் வேலை எதுவும் இல்லாமல் இருந்தார். அவரை போலீஸார் தேடி வருகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb