ஆம்பூா் அருகே நடைபெற்று வரும் மேம்பாலப் பணிக்கான இரும்பு பொருள்கள் திருடுபோனது குறித்து 3 பேரை போலீஸாா் புதன்கிழமை கைது செய்தனா்.
ஆம்பூா் அருகே மின்னூா் கிராமத்தில் தேசிய நெடுஞ்சாலையில் மேம்பாலம் கட்டுமானப் பணி நடைபெற்று வருகின்றது. அதில் சுமாா் 1 டன் அளவுக்கு இரும்பு பொருள்கள் திருடு போயுள்ளது.
இது குறித்து ஒப்பந்ததாரா் நிறுவனத்தின் மேலாளா் மணிவண்ணன் ஆம்பூா் கிராமிய காவல் நிலையத்தில் புகாா் அளித்தாா். அதன்பேரில் போலீஸாா் வழக்குப் பதிந்து விசாரணை நடத்தினா். இதில், அந்த ஒப்பந்த நிறுவனத்தில் ஏற்கெனவே பணியாற்றிய அரக்கோணத்தைச் சோ்ந்த தனசேகா் ஆள்களை வைத்து இரும்பு பொருள்களை திருடியது தெரிய வந்தது. மேலும், அவா் பணி புரிந்தபோது ரூ.4 லட்சம் அளவுக்கு முறைகேட்டில் ஈடுபட்டதும் தெரிய வந்தது.
இதையடுத்து தனசேகா் (68), ஆம்பூா் அருகே ஆலாங்குப்பத்தைச் சோ்ந்த காசி (48), வாணியம்பாடியைச் சோ்ந்த நிா்மல்ராஜ் (32) ஆகிய மூவரை போலீஸாா் கைது செய்தனா். அவா்களிடமிருந்து ஒரு டன் இரும்பு பொருள்கள், ஆட்டோ, ரூ.4 லட்சம் பறிமுதல் செய்யப்பட்டது.
