மேற்கு வங்கத்தில் வக்ஃப் வன்முறை: புதிய போராட்டம், வன்முறை நிகழாதிருக்க தீவிர கண்காணிப்பு

மேற்கு வங்க மாநிலம் முா்ஷிதாபாதில் வக்ஃப் திருத்தச் சட்டத்துக்கு எதிராக புதிதாக போராட்டம் அல்லது வன்முறை நிகழாததை உறுதி செய்யும் வகையில் மாவட்டத்தின் பல்வேறு பகுதிகளில் பாதுகாப்புப் படையினா் செவ்வாய்க்கிழமையும் கண்காணிப்பைத் தீவிரப்படுத்தினா்.

ஜாங்கிபூா், துலியன், சுதி, சம்சோ்கஞ்ச் உள்ளிட்ட மாவட்டத்தின் பல்வேறு பகுதிகளில் எல்லை பாதுகாப்புப் படை (பிஎஸ்எஃப்), மத்திய ஆயுத காவல் படை (சிஏஎஸ்எஃப்), மாநில ஆயுதப் படை போலீஸாா், அதிரடி நடவடிக்கை படைப் பிரிவினா் (ஆா்ஏஎஃப்) உள்ளிட்ட படைப் பிரிவுகளைச் சோ்ந்த வீரா்கள் தீவிர கண்காணிப்பில் ஈடுபட்டனா்.

‘இதன் காரணமாக, மாவட்டத்தில் கடந்த 48 மணி நேரத்தில் எந்தவித வன்முறைச் சம்பவங்களும் பதிவாகவில்லை’ என்று அதிகாரிகள் தெரிவித்தனா்.

முஸ்லிம்கள் தானமாகவும், நன்கொடையாகவும் அளிக்கும் நிலங்கள் மற்றும் சொத்துகளை வக்ஃப் வாரியம் நிா்வகித்து வருகிறது. இந்த நிலையில், வக்ஃப் சொத்துகளின் நிா்வாகத்தைச் சீரமைக்கும் நோக்கில், 1995-ஆம் ஆண்டின் வக்ஃப் சட்டத்தில் திருத்தங்கள் மேற்கொள்ளும் வகையில் மத்திய அரசு மசோதா கொண்டு வந்தது. நாடாளுமன்றத்தில் நிறைவேற்றப்பட்ட இந்த மசோதாவுக்கு குடியரசுத் தலைவா் ஒப்புதல் அளித்ததைத் தொடா்ந்து கடந்த 8-ஆம் தேதி முதல் நடை முழுமைக்கும் நடைமுறைக்கு வந்தது.

இதற்கு எதிா்ப்பு தெரிவித்து பல்வேறு மாநிலங்களில் போராட்டங்கள் நடைபெற்று வருகின்றன. அதுபோல, மேற்கு வங்க மாநிலத்தில் இஸ்லாமியா்கள் அதிகம் வசிக்கும் முா்ஷிதாபாத் மாவட்டத்தில், வக்ஃப் திருத்தச் சட்டத்துக்கு எதிராக கடந்த 11-ஆம் தேதி போராட்டம் நடத்தப்பட்டது. இந்தப் போராட்டம் வன்முறையாக மாறியது. அடுத்த நாள் காலை வரை இந்தப் போராட்டம் தொடா்ந்தது. இதில் போலீஸாா் வாகனங்கள் உள்பட சாலைகளில் நிறுத்தி வைக்கப்பட்டிருந்த ஏராளமான வாகனங்களுக்கு போராட்டக்காரா்கள் தீ வைத்தனா். இந்த வன்முறையில் 3 போ் உயிரிழந்தனா். நிலைமையை கட்டுக்குள் கொண்டு வரும் வகையில், மாநில போலீஸாருடன், பிஎஸ்எஃப் வீரா்களும் பாதுகாப்புப் பணியில் ஈடுபடுத்தப்பட்டனா். பாதுகாப்புப் படையினா் துப்பாக்கிச் சூடு நடத்தியதில் ஒரு சிறுவன் உள்பட இருவா் காயமடைந்தனா்.

இந்த வன்முறை தொடா்பான மனுவை விசாரித்த கொல்கத்தா உயா் நீதிமன்றம் பிறப்பித்த உத்தரவின் பேரில், பாதுகாப்புப் பணியில் சிஏஎஸ்எஃப் படையினரும் ஈடுபடுத்தப்பட்டனா்.

இந்தச் சூவலில், இந்த திருத்தச் சட்டத்துக்கு எதிராக மாநிலத்தின் தெற்கு 24 பா்கானா மாவட்டத்தின் பாங்கா் பகுதியில் இந்திய மதச்சாா்பற்ற அமைப்பினா் (ஐஎஸ்எஃப்) போலீஸாரின் தடையை மீறி போராட்டத்தில் ஈடுபட்டனா். போலீஸாா் அவா்களைத் தடுக்க முயன்ால், இருதரப்புக்கும் மோதல் ஏற்பட்டது. போலீஸாரின் வாகனங்களுக்கு போராட்டக்காரா்கள் தீயிட்டனா். இதையடுத்து, போலீஸாா் தடியடி நடத்தி நிலைமையை கட்டுக்குள் கொண்டு வந்தனா்.

தொடரும் தீவிர கண்காணிப்பு:

வக்ஃப் திருத்தச் சட்டத்துக்கு ெதிராக புதிதாக போராட்டம் அல்லது வன்முறை நிகழாததை உறுதி செய்யும் வகையில் முா்ஷிதாபாத் மாவட்டத்தின் பல்வேறு பகுதிகளில் பிஎஸ்எஃப், சிஏஎஸ்எஃப், ஆா்ஏஎஃப் மற்றும் மாநில ஆயுத காவல் படையினா் தீவிர கண்காணிப்பை செவ்வாய்க்கிழமையும் தொடா்ந்தனா்.

இதுகுறித்து மாநில போலீஸாா் கூறுகையில், ‘வன்முறை வெடித்த முா்ஷிதாபாத் மாவட்டத்தில் இயல்புநிலை மெல்ல திரும்பி வருகிறது. பல பகுதிகளில் கடைகள் திறக்கப்பட்டுள்ளதோடு, வன்முறைக்குப் பயந்து வெளியேறிய மக்களும் மாவட்டத்துக்குத் திரும்பத் தொடங்கியுள்ளனா். புதிதாக வன்முறை வெடித்த தெற்கு 24 பா்கனா மாவட்டத்திலும் வாகனப் போக்குவரத்து சீரடைந்துள்ளது’ என்றனா்.

நீதிமன்ற மேற்பாா்வையில் விசாரணை: உச்சநீதிமன்றத்தில் 2 மனுக்கள் தாக்கல்

வக்ஃப் திருத்தச் சட்டத்துக்கு எதிராக மேற்கு வங்கத்தில் நிகழ்ந்த வன்முறை தொடா்பாக நீதிமன்ற மேற்பாா்வையிலான விசாரணைக்கு உத்தரவிடக் கோரி உச்சநீதிமன்றத்தில் இரண்டு மனுக்கள் தாக்கல் செய்யப்பட்டுள்ளன.

வழக்குரைஞா் சசாங்க் சேகா் ஜா சாா்பில் தாக்கல் செய்யப்பட்ட மனுவில், ‘வன்முறை தொடா்பாக விசாரணை நடத்த சிறப்பு விசாரணைக் குழுவை (எஸ்ஐடி) உச்சநீதிமன்றம் அமைக்க வேண்டும்’ என்று வலியுறுத்தியுள்ளாா்.

வழக்குரைஞா் விஷால் திவாரி தாக்கல் செய்த மனுவில், ‘வன்முறை தொடா்பாக விசாரணை நடத்த உச்ச நீதிமன்ற ஓய்வுபெற்ற நீதிபதி தலைமையில் 5 உறுப்பினா்களைக் கொண்ட நீதி விசாரணைக் குழுவை அமைக்க வேண்டும்’ என்று வலியுறுத்தியுள்ளாா்.

தந்தை, மகன் கொல்லப்பட்ட விவகாரம்: சகோதரா்கள் கைது

மேற்கு வங்க மாநிலம் முா்ஷிதாபாதில் கடந்த 11-ஆம் தேதி ஏற்பட்ட கலவரத்தின்போது, மா்ம கும்பல் வீட்டுக்குள் புகுந்து தந்தை, மகனைக் கொலை செய்த விவகாரத்தில் சகோதரா்களை போலீஸாா் செவ்வாய்க்கிழமை கைது செய்தனா்.

முா்ஷிதாபாத் மாவட்டம் சம்சோ்கஞ்ச் ஜாஃப்ராபாத் பகுதியைச் சோ்ந்த ஹரகோபிந்தோ தாஸ் மற்றும் அவருடைய மகன் சந்தன் தாஸ் இருவரும் கத்தியால் குத்தப்பட்ட நிலையில் வீட்டில் உயிரிழந்து கிடந்தனா். இந்த இரட்டைக் கொலை குறித்து தீவிர விசாரணை மேற்கொண்ட போலீஸாா், அதுதொடா்பாக சகோதரா்கள் இருவரை கைது செய்துள்ளனா்.

இதுகுறித்து முா்ஷிதாபாத் மாவட்ட காவல் கண்காணிப்பாளா் கூறுகையில், ‘சம்பவம் நடைபெற்ற பகுதியில் உள்ள கண்காணிப்பு கேமரா காட்சிகளை போலீஸாா் ஆய்வு செய்ததில், ஜாஃப்ராபாத் பகுதியைச் சோ்ந்த சகோதரா்களான காலு நாடாா், தில்தாா் நாடாா் இருவரும்தான் தந்தை, மகனைக் கொலை செய்தது தெரியவந்தது. இதில், காலு நாடாரை பீா்பூம் மாவட்டம் முராராயிலும், தில்தாா் நாடாரை இந்திய-வங்கதேச எல்லையை ஒட்டிய சுதி பகுதியிலும் போலீஸாா் கைது செய்தனா். அவா்களிடம் விசாரணை நடத்தப்பட்டு வருகிறது. கலவரம் தொடா்பாக இதுவரை 221 போ் கைது செய்யப்பட்டுள்ளனா் என்றாா்.