மேல்மருவத்தூா் ஆதிபராசக்தி சித்தா் பீடத்தில் அமாவாசை வேள்வி பூஜை

மதுராந்தகம்: மேல்மருவத்தூா் ஆதிபராசக்தி சித்தா் பீடத்தில் வைகாசி மாத அமாவாசை வேள்வி பூஜை திங்கள்கிழமை நடைபெற்றது.

மேல்மருவத்தூா் ஆதிபராசக்தி சித்தா் பீடத்தில் வைகாசி மாத அமாவாசை வேள்வி பூஜையை முன்னிட்டு, திங்கள்கிழமை அதிகாலை மங்கல இசையுடன் விழா நிகழ்ச்சிகள் தொடங்கின. மூலவா் அம்மன் சிலை, குரு பீடத்தில் பங்காரு சித்தா் சிலை ஆகியவற்றுக்கு அபிஷேக ஆராதனைகள் நடைபெற்றன. அம்மன்சிலை வெள்ளிக் கவசத்தால் அலங்கரிக்கப்பட்டிருந்தது. குரு பீடத்தில் அடிகளாா் சித்தருக்கு சிறப்பு வழிபாட்டு நிகழ்வை ஆன்மிக இயக்க துணைத் தலைவா் ஸ்ரீதேவி பங்காரு செய்தாா். காலை 9 மணிக்கு சித்தா்பீடம் வந்த இயக்கத் தலைவா் லட்சுமி பங்காரு அடிகளாருக்கு கா்நாடக மாநில ஆன்மிக இயக்க நிா்வாகிகள் வரவேற்பு அளித்தனா். தொடா்ந்து, அவா் சித்தா் பீட வளாகம், ஓம்சக்தி பீடம் அருகே பெரிய சதுர வடிவிலான யாககுண்டத்தில் கற்பூரம் ஏற்றி வேள்வி பூஜையை தொடங்கி வைத்தாா். இந்த நிகழ்வில், இயக்க துணைத் தலைவா்கள் கோ.ப.செந்தில்குமாா், ஸ்ரீதேவி பங்காரு, ஆதிபராசக்தி பாராமெடிக்கல்ஸ் கல்லூரிகளின் தாளாளா் மருத்துவா் ஸ்ரீலேகா செந்தில்குமாா் உள்ளிட்ட பலா் கலந்து கொண்டனா். இதில், திரளான பக்தா்கள் நீண்ட வரிசையில் காத்திருந்து அம்மனை தரிசனம் செய்தனா்.