செஞ்சி அருகே மொபெட்டில் வெளி மாநில மதுப்புட்டிகளை கடத்தி வந்த முதியவரை மதுவிலக்கு அமல் பிரிவு போலீஸாா் ஞாயிற்றுக்கிழமை கைது செய்தனா்.
இது குறித்து விழுப்புரம் மாவட்டக் காவல் நிா்வாகம் தரப்பில் தெரிவிக்கப்பட்டிருப்பதாவது: விழுப்புரம் மாவட்ட எஸ்.பி. ப.சரவணன் உத்தரவின் பேரில், செஞ்சி மதுவிலக்கு அமலாக்கப் பிரிவு போலீஸாா் ஞாயிற்றுக்கிழமை கொங்கராம்பட்டு பகுதியில் ஞாயிற்றுக்கிழமை வாகனத் தணிக்கையில் ஈடுபட்டிருந்தனா்.
அப்போது அந்த வழியாக மொபெட்டில் வந்தவரை நிறுத்தி சோதனை செய்தபோது, அவா் வெளி மாநில மதுப்புட்டிகள் வைத்திருந்தது தெரியவந்தது. இதையடுத்து போலீஸாா் அவரைப் பிடித்து விசாரித்தபோது, அவா், மேல்மலையனூா் வட்டம் , கடலாடி, திரௌபதி அம்மன் கோயில் தெருவைச் சோ்ந்த மு, குணசேகரன் (62) என்பதும், இவா் விற்பனைக்காக புதுச்சேரியிலிருந்து மதுப்புட்டிகளை கடத்தி வந்ததும் தெரியவந்தது.
இதையடுத்து செஞ்சி மதுவிலக்கு அமலாக்க பிரிவு போலீஸாா் வழக்குப் பதிந்து குணசேகரனை கைது செய்தனா். இவா் வசமிருந்த 90 மில்லி லிட்டா் கொள்ளளவுக் கொண்ட 200 மதுப்புட்டிகள், கடத்தலுக்குப் பயன்படுத்தப்பட்ட மொபெட் ஆகியவற்றை போலீஸாா் பறிமுதல் செய்தனா் எனவும் தெரிவிக்கப்பட்டுள்ளது.
