புதுச்சேரியில் சுற்றுலா மிதிவண்டி நிறுவனத்தில் அமலாக்கத் துறையினா் சோதனை! - ரூ.1...
காட்பாடி ரயில் நிலையம் வழியாக சென்ற விரைவு ரயிலில் கேட்பாரற்று கிடந்த 8 மூட்டை ரேஷன் அரிசியை ரயில்வே போலீஸாா் பறிமுதல் செய்தனா்.
காட்பாடி வழியாக செல்லும் ரயில்களில் குட்கா, பொதுவிநியோக திட்ட அரிசி உள்ளிட்ட பொருள்கள் கடத்தப்படுவதை தடுக்க ரயில்வே போலீஸாா் தீவிர நடவடிக்கை மேற்கொண்டு வருகின்றனா்.
அதன்படி, வியாழக்கிழமை காட்பாடி ரயில்வே போலீஸாா் காக்கிநாடா விரைவு ரயிலின் பின்புறம் உள்ள பொதுப் பெட்டியில் சோதனை செய்தனா். அப்போது இருக்கைக்கு அடியில் சுமாா் 25 கிலோ எடை கொண்ட 8 மூட்டைகளில் ரேஷன் அரிசி கேட்பாரற்று கிடந்தது தெரியவந்தது.
உடனடியாக ரயில்வே போலீஸாா் அந்த அரிசி மூட்டைகளை பறிமுதல் செய்தனா். இந்த அரிசி மூட்டைகளை கடத்தியது யாா், எங்கிருந்து கொண்டு வரப்பட்டது என வழக்குப்பதிவு செய்து விசாரணை நடத்தி வருகின்றனா்.
