ரூ.21 லட்சம் நலத்திட்ட உதவிகள் வழங்கல்

சங்கமங்கலம் ஊராட்சியில் நடைபெற்ற மக்கள் தொடா்பு முகாமில் மாவட்ட ஆட்சியா் ப.ஆகாஷ், 54 பயனாளிகளுக்கு ரூ.21 லட்சம் மதிப்பிலான நலத்திட்ட உதவிகளை புதன்கிழமை வழங்கினாா்.

சங்கமங்கலம் ஊராட்சி ஒன்றிய நடுநிலைப்பள்ளியில் நடைபெற்ற முகாமிற்கு மாவட்ட ஆட்சியா் ப.ஆகாஷ் தலைமை வகித்தாா்.

மாற்றுத்திறனாளிகள் நலத்துறை சாா்பில் 5 பயனாளிகளுக்கு ரூ.12,718 மதிப்பில் மோட்டாா் பொருத்தப்பட்ட தையல் இயந்திரம், மாற்றுத்திறனாளிகளுக்கான தனித்துவம் வாய்ந்த அடையாள அட்டைகய்ம், சமூக பாதுகாப்பு திட்டத்தின் கீழ் 9 பயனாளிகளுக்கு ரூ.1,88,000 மதிப்பில் இறப்பு உதவிதொகை மற்றும் திருமண உதவி தொகை, தோட்டக்கலைத்துறை சாா்பில் 5 பயனாளிகளுக்கு ரூ.6,916 மதிப்பில் வெண்டை, கொத்தவரை, மா கன்றுகள், வேளாண்மைத்துறை சாா்பில் 5 பயனாளிகளுக்கு ரூ.770 மதிப்பில் நெல், உயிா் உரம், உயிா் ஊக்கி, ஜிங்க் சல்பேட், வருவாய்த் துறை சாா்பில் 2 பயனாளிகளுக்கு ரூ.1,44,000- மதிப்பில் இலவச வீட்டுமனை பட்டா ஆகியவற்றை ஆட்சியா் வழங்கினாா்.

வட்ட வழங்கல் துறை சாா்பில் 20 பயனாளிகளுக்கு புதிய மின்னணு குடும்ப அட்டைகள், வாழ்ந்து காட்டுவோம் திட்டம் சாா்பில் 1 பயனாளிக்கு ரூ.8 லட்சம் மதிப்பில் காளான் வளா்ப்பு மற்றும் தீவன புல் வெட்டும் இயந்திரம், தாட்கோ சாா்பில் 1 பயனாளிக்கு ரூ.10 லட்சம் மதிப்பில் பொருளாதார மேம்பாட்டுத்திட்டத்தின் கீழ் சுற்றுலா வாகனம், பிற்படுத்தப்பட்டோா் மற்றும் சிறுபான்மையினா் நலத்துறை சாா்பில் 6 பயனாளிகளுக்கு சீா்மரபினா் நலவாரிய உறுப்பினா் அட்டை என மொத்தம் 54 பயனாளிகளுக்கு சுமாா் ரூ.21,52,404 மதிப்பிலான நலத்திட்ட உதவிகளை மாவட்ட ஆட்சியா் வழங்கினாா்.

இந்நிகழ்ச்சியில் வருவாய் கோட்டாட்சியா் (பொ) எஸ்.திருமால், தனி துணை ஆட்சியா் (சமூக பாதுகாப்பு திட்டம்) காா்த்திகேயன் உள்ளிட்ட அரசு அலுவலா்கள் மற்றும் பொதுமக்கள் பங்கேற்றனா்.