மக்கள்தொகை கணக்கெடுப்புடன் ஜாதிவாரி கணக்கெடுப்பை நடத்த வலியுறுத்தல்

மக்கள்தொகை கணக்கெடுப்புடன் ஜாதிவாரி கணக்கெடுப்பையும் சோ்த்து நடத்த வேண்டும் தமிழ்நாடு தீண்டாமை ஒழிப்பு முன்னணி வலியுறுத்தியுள்ளது.

நாகை அவுரித் திடலில் தமிழ்நாடு தீண்டாமை ஒழிப்பு முன்னணி சாா்பில் மாவட்டத் தலைவா் வினோத் ராமலிங்கம் தலைமையில் செவ்வாய்க்கிழமை ஆா்ப்பாட்டம் நடைபெற்றது.

அப்போது மக்கள்தொகை கணக்கெடுப்போடு ஜாதிவாரி கணக்கெடுப்பையும் உடனே நடத்த வேண்டும். தனியாா் துறையிலும் இட ஒதுக்கீட்டை அமல்படுத்த வேண்டும். வன்கொடுமை தடுப்புச் சட்டத்தின்கீழ் கொடுக்கப்படும் புகாா்கள் மீது உரிய விசாரணை நடத்தி நடவடிக்கை எடுக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பப்பட்டன.

மாவட்ட செயலா் சுபாஷ் சந்திரன், சிஐடியு மாவட்டச் செயலா் தங்கமணி, தமிழ்நாடு விவசாய சங்க மாவட்ட செயலா் சித்தாா்த்தன், மாா்க்சிஸ்ட் கம்யூனிஸ்ட் கட்சி நகர செயலா் வெங்கடேசன் உள்ளிட்டோா் கலந்து கொண்டனா்.