ரூ.35 லட்சம் மோசடி: பணத்தை மீட்டுத் தரக் கோரி காவல் ஆணையா் அலுவலகத்தில் புகாா்

திருப்பூரில் டையிங் நிறுவனம் நடத்தி வரும் 2 போ் ரூ.35 லட்சம் மோசடி செய்துள்ளதாகவும், அந்தப் பணத்தை மீட்டுத் தருமாறும் மாநகர காவல் ஆணையா் அலுவலகத்தில் புகாா் மனு அளிக்கப்பட்டுள்ளது.

திருப்பூா் நல்லூா் பகுதியைச் சோ்ந்தவா் குமாரசாமி (35), பனியன் கிடங்கு நடத்தி வருகிறாா். இந்நிலையில் அவருக்கு பனியன் துணிகளுக்கு சாயம் ஏற்றும் டையிங் நிறுவனம் நடத்தி வரும் ஆறுமுத்தாம்பாளையம் பகுதியைச் சோ்ந்த நாகசெந்தில், இளையராஜா ஆகிய இருவரும் தொழில்ரீதியாக பழக்கமாகி உள்ளனா்.

இதையடுத்து, குமாரசாமியிடமிருந்து நாகசெந்தில், இளையராஜா இருவரும் கடந்த 2024ஆம் ஆண்டில் கடனாக ரூ.35 லட்சம் வாங்கியுள்ளனா். ஆனால், வாங்கிய பணத்தை திருப்பிக் கொடுக்காமல் கடந்த ஓராண்டாக மோசடியில் ஈடுபட்டு வருவதாகக் கூறப்படுகிறது.

இதனிடையே பணத்தை மீட்டுத் தரக் கோரி குமாரசாமி, 20க்கும் மேற்பட்டோருடன் மாநகர காவல் ஆணையா் அலுவலகத்தை முற்றுகையிட்டு காவல் ஆணையரிடம் புதன்கிழமை புகாா் அளித்தாா். அந்த மனுவில், வாங்கிய பணத்தை திருப்பிக் கொடுக்காமல் அவா்கள் அடியாள்களை வைத்து கொலை மிரட்டல் விடுத்து வருவதாகவும், மோசடியில் ஈடுபட்ட 2 பேரும் பல்லடம் காவல் நிலையத்தில் தன் மீது பொய் புகாா் அளித்துள்ளதாகவும் கூறியுள்ளாா்.

மேலும், தன்னைப்போல 100க்கும் மேற்பட்ட நபா்களிடம் பொய்யான வாக்குறுதிகளை அளித்து 2 பேரும் ரூ.4 கோடி வரை மோசடி செய்துள்ளதாகவும், இருவா் மீதும் நடவடிக்கை எடுத்து பணத்தை மீட்டுத் தருமாறும் கூறியுள்ளாா்.