ரூ. 5 ஆயிரம் லஞ்சம் பெற்ற துணை வணிகவரி அலுவலா் கைது

தருமபுரியில் ரூ. 5 ஆயிரம் லஞ்சம் பெற்ற துணை வணிகவரி அலுவலரை ஊழல் தடுப்புப் பிரிவு போலீஸாா் செவ்வாய்க்கிழமை கைது செய்தனா்.

தருமபுரி மாவட்டம், பாலக்கோடு வட்டம், மாட்லாம்பட்டி அருகேயுள்ள சின்ன மாட்லாம்பட்டியைச் சோ்ந்தவா் மணிகண்டன். டிப்ளமோ முடித்துள்ள இவா் ஆட்டோமேஷன் கன்சல்டன்ட் சேவை மையம் நடத்துவதற்காக ஜிஎஸ்டி பதிவு சான்றிதழ் பெற இணையவழியில் விண்ணப்பித்தாா். அவரது விண்ணப்பம் அங்கீகரிக்கப்பட்டு ஜிஎஸ்டி பதிவுச் சான்றிதழ் வழங்கப்பட்ட நிலையில், திடீரென அவரது ஜிஎஸ்டி கணக்கு முடக்கப்பட்டது.

இதுகுறித்து மணிகண்டன் பாலக்கோடு துணை வணிகவரி அலுவலா் செல்வகுமாரை அவரது அலுவலகத்தில் சந்தித்து விவரம் கேட்டாா். அப்போது, சேவை மைய அலுவலகத்தை கள ஆய்வு செய்து ஜிஎஸ்டி கணக்கை மீண்டும் பயன்பாட்டுக்கு கொண்டுவர வேண்டி உள்ளதாகவும், இந்த கள ஆய்வுக்கு வர தனக்கு ரூ. 5 ஆயிரம் தரவேண்டும் எனவும் செல்வகுமாா் தெரிவித்துள்ளாா்.

லஞ்சம் கொடுக்க விரும்பாத மணிகண்டன் இதுகுறித்து, தருமபுரி மாவட்ட ஊழல் தடுப்புப் பிரிவு போலீஸாரிடம் புகாா் அளித்தாா். போலீஸாரின் ஆலோசனைபடி, செவ்வாய்க்கிழமை மாலை பாலக்கோடு துணை வணிகவரி அலுவலா் செல்வகுமாரிடம் ரசாயனம் தடவிய ரூ. 5 ஆயிரத்தை மணிகண்டன் கொடுத்தாா். அதை செல்வகுமாா் வாங்கும்போது, அங்கு மறைந்திருந்த ஊழல் தடுப்புப் பிரிவு காவல் ஆய்வாளா் பெருமாள் தலைமையிலான குழுவினா் செல்வகுமாரை கைது செய்ததுடன், அவா் லஞ்சமாகப் பெற்ற ரூ. 5 ஆயிரத்தை பறிமுதல் செய்து, வழக்குப்பதிந்து விசாரணை நடத்தி வருகின்றனா்.