லஞ்சம்: காவல் உதவி ஆய்வாளா்கள் இருவா் பணியிடை நீக்கம்

லஞ்ச வழக்கில் சிக்கியதாக புதுச்சேரியிலும், காரைக்காலிலும் தலா ஒரு காவல் உதவி ஆய்வாளா்கள் பணியிடை நீக்கம் செய்யப்பட்டனா்.

புதுச்சேரி அடுத்த வில்லியனுாா் காவல் நிலையத்துக்கு உள்பட்ட பகுதியைச் சோ்ந்த ஒரு தாய் தன் 17 வயது மகளை கடந்த ஆண்டு ஜூன் 5-ம் தேதி கேரளத்தை சோ்ந்த இளைஞா் கடத்தி சென்றுவிட்டதாக வில்லியனுாா் காவல் நிலையத்தில் கடந்த 5.6.2024 அன்று புகாா் அளித்தாா்.

அப்போது அங்கு உதவி ஆய்வாளராக இருந்த சரண்யா விரைந்து நடவடிக்கை எடுக்காமல் காலதாமதம் செய்ததோடு, அஸ்ஸாமில் இருந்து ஜிபே மூலம் சிறுமியின் தந்தையிடம் ரூ.5 ஆயிரம் லஞ்சம் பெற்றுள்ளாா்.

இதையடுத்து, அந்தச் சிறுமியின் தந்தை இந்த ரூ. 5 ஆயிரம் லஞ்சம் தொடா்பாக கடந்த 6.7.24 அன்று டிஜிபியிடம் புகாா் அளித்தாா். உதவி ஆய்வாளா் சரண்யாவின் கணவா் பிரபுவும் உதவி ஆய்வாளா்தான். அவா் இந்த ரூ.5 ஆயிரத்தை அந்தச் சிறுமியின் தந்தைக்கு போன் பே மூலம் திருப்பி அனுப்பி விட்டாா். லஞ்சம் வாங்கிய உதவி ஆய்வாளா் சரண்யா, அதைத் திரும்பிக் கொடுத்த உதவி ஆய்வாளா் பிரபு ஆகியோா் மீது லஞ்ச ஒழிப்புத்துறை போலீஸாா் ஜூலை 1-ஆம் தேதி வழக்குப் பதிவு செய்து விசாரணை நடத்தி வருகின்றனா்.

இந்நிலையில் லஞ்சம் வாங்கிய வழக்கில் சிக்கிய உதவி ஆய்வாளா் சரண்யா பணியிடை நீக்கம் செய்யப்பட்டாா். அதே போன்று காரைக்கால், திருநள்ளாறு காவல் நிலையத்தில் பறிமுதல் செய்யப்பட்ட புகையிலைப் பொருள்களை மீண்டும் ஒப்படைக்க லஞ்சம் கேட்டு, சிபிஐ அதிகாரிகளால் கைது செய்யப்பட்ட உதவி ஆய்வாளா் பக்கிரிசாமியும் பணியிடை நீக்கம் செய்யப்பட்டாா். இதற்கான உத்தரவை காவல்துறை தலைவா் ஷாலினி சிங் வியாழக்கிழமை பிறப்பித்தாா்.

மேலும், லஞ்சம் வாங்கிய பணத்தைத் திரும்பிக் கொடுத்த உதவி ஆய்வாளரான சரண்யாவின் கணவா் பிரபு, திருநள்ளாறு போலீஸ் நிலையத்தில் உதவி ஆய்வாளா் பக்கிரிசாமி லஞ்சம் வாங்கி கைது செய்யப்பட்டபோது, பணியில் இருந்த தலைமை காவலா் பாா்த்திபன், காவலா் விஜயபாலன் ஆகியோா் புதுச்சேரி ஆயுதப்படைக்கு மாற்றப்பட்டனா்.