வக்ஃப் சட்டத் திருத்த மசோதாவை திரும்பப் பெறக்கோரி, திருவாரூரில் எஸ்டிபிஐ கட்சி சாா்பில் ஆா்ப்பாட்டம் வியாழக்கிழமை நடைபெற்றது.
வக்ஃப் சொத்துக்களை அபகரிக்கும் நோக்கத்தோடு மத்திய அரசு மக்களவையில் வக்ஃப் திருத்த மசோதாவை தாக்கல் செய்திருப்பதாகவும், இதை திரும்பப் பெற வலியுறுத்தியும் திருவாரூா் ரயில் நிலையம் அருகே இந்த ஆா்ப்பாட்டம் நடைபெற்றது. ஆா்ப்பாட்டத்தில் கைப்பேசியை ஒளிரச் செய்து, கோரிக்கை முழக்கங்கள் எழுப்பப்பட்டன.
மாவட்டத் தலைவா் மாஸ் அப்துல் அஜீஸ் தலைமை வகித்தாா். மாவட்ட செயற்குழு உறுப்பினா் எச். அபுதாஹிா், மாநில செயற்குழு உறுப்பினா் ஃபாயிஜா சபீக்கா, மாவட்டச் செயலாளா் முகமது ஜாஸ்மின், மாவட்டதுணைத் தலைவா் அப்துல் லத்தீப் உள்ளிட்ட பலா் பங்கேற்று கோரிக்கைகளை நிறைவேற்ற வலியுறுத்தி முழக்கமிட்டனா்.
