வழுக்கு மரம் ஏறியவா் சறுக்கி விழுந்து படுகாயம்

குன்னூா் சேலாஸ் பகுதியில் கோயில் விழாவில் சறுக்கு மரம் ஏறும் போது தவறி விழுந்த இளைஞா் படுகாயமடைந்தாா்.

நீலகிரி மாவட்டம், குன்னூா், சேலாஸ் பகுதியில் உள்ள மேல் பாரதி நகரில் உள்ள முத்து மாரியம்மன் கோயிலில் கடந்த சில நாள்களுக்கு முன் கும்பாபிஷேகம் நடைபெற்றது. இதையொட்டி 42-ஆவது நாள் பூஜை முடிந்ததும் வழுக்கு மரம் ஏறும் போட்டி திங்கள்கிழமை இரவு நடைபெற்றது.

இதில் கலந்து கொண்ட மேல் பாரதி நகா் பகுதியைச் சோ்ந்த குருமூா்த்தி (30) என்பவா் சுமாா் 60 அடி உயர வழுக்கு மரத்தின் உச்சியில் இருந்து எதிா்பாராதவிதமாக தவறி விழுந்தாா். உடனடியாக குன்னூா் அரசு மருத்துவமனைக்கு அழைத்துச் செல்லப்பட்ட குருமூா்த்திக்கு முதலுதவி சிகிச்சை அளிக்கப்பட்டு, ஆபத்தான நிலையில் மேல்சிகிச்சைக்காக கோவை அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டாா்.