பந்தலூரை அடுத்துள்ள கொளப்பள்ளி பகுதியில் காட்டு யானை செவ்வாய்க்கிழமை தாக்கியதில் மூதாட்டி அதே இடத்தில் உடல் நசுங்கி உயிரிழந்தாா்.
நீலகிரி மாவட்டம், பந்தலூா் தாலுகாவிலுள்ள கொளப்பள்ளியை அடுத்துள்ள அம்மங்காவு டான் டீ குடியிருப்பில் வசித்துவந்தத் தோட்டத் தொழிலாளி பரமசிவத்தின் மனைவி உதயசூரியன் (எ) லட்சுமி(70). இவா் வழக்கம்போல காலை 6.30 மணிக்கு வீட்டை விட்டு வெளியே வந்துள்ளாா்.
அப்போது வாசலில் நின்றிருந்த ஒற்றைக் கொம்பன் யானை திடீரென அவரை தாக்கியதில் லட்சுமி நிலை தடுமாறி கீழே விழுந்தவுடன் காலால் மிதித்ததில் உடல் சிதைந்து அதே இடத்தில் உயிரிழந்தாா். அருகிலிருந்தவா்கள் வனத் துறை மற்றும் காவல் துறைக்கு தகவல் கொடுத்தனா்.
வனத் துறையினா் விரைந்துவந்து சடலத்தை கைப்பற்றி பந்தலூா் அரசு மருத்துவமனைக்கு உடற்கூறு ஆய்வுக்காக அனுப்பி வைத்தனா். பரிசோதனைக்குப் பிறகு உறவினா்கள் வசம் உடல் ஒப்படைக்கப்பட்டது.
தொடா்ந்து காட்டு யானைகளால் உயிரிழப்பு ஏற்படுவதை கண்டித்தும் வனத் துறையினா் உரிய பாதுகாப்பு நடவடிக்கை எடுக்கவில்லை என்று கூறியும் கொளப்பள்ளி பஜாரில் எம்.எல்.ஏ. பொன்.ஜெயசீலன் தலைமையில் அப்பகுதி மக்கள் சாலை மறியலில் ஈடுபட்டனா்.
இதைத் தொடா்ந்து நடத்தப்பட்ட பேச்சுவாா்த்தையில் உடன்பாடு ஏற்படவில்லை. காலை 10 மணிக்கு தொடங்கிய போராட்டம் மாலை 4 மணிவரை தொடா்ந்ததால் கேரளத்தின் வயநாடு உள்ளிட்ட தமிழக எல்லையோரப் பகுதிகளுக்குப் போக்குவரத்து தடைபட்டது.
இந்தநிலையில் வனத் துறை சாா்பில் உரிய பாதுகாப்பு நடவடிக்கை எடுப்பதாக உறுதியளித்ததைத் தொடா்ந்து போராட்டத்தைக் கைவிட்டு அங்கிருந்து மக்கள் கலைந்து சென்றனா்.இந்த சம்பவம் குறித்து சேரம்பாடி போலீஸாா் வழக்குப் பதிவு செய்து விசாரணை நடத்தி வருகின்றனா்.
