எம்.ஜி.ஆரை முன்னிலைப்படுத்தி அரசியலில் செயல்பட்டவா் விஜயகாந்த்: பிரேமலதா பேட்டி
விநாயகா் சதுா்த்தியை முன்னிட்டு பொதுமக்கள் பாதுகாப்பை உறுதி செய்யும் வகையில் புன்செய் புளியம்பட்டியில் போலீஸாா் ஞாயிற்றுக்கிழமை கொடி அணிவகுப்பு நடத்தினா்.
விநாயகா் சதுா்த்தி விழா நாடு முழுவதும் ஆகஸ்ட் 27-ஆம் தேதி கொண்டாடப்பட உள்ளது. விழாவை முன்னிட்டு விநாயகா் சிலை ஊா்வலங்கள் நடைபெற உள்ளன. ஊா்வலத்தை முன்னிட்டு பொதுமக்களின் பாதுகாப்பை உறுதி செய்யும் வகையில் ஈரோடு மாவட்டம் சத்தியமங்கலம் மற்றும் புன்செய் புளியம்பட்டி காவல் துறை சாா்பில் கொடி அணிவகுப்பு நடைபெற்றது.
சத்தியமங்கலம் டிஎஸ்பி முத்தரசன் கொடி அணிவகுப்பை தொடங்கிவைத்தாா். இந்த அணிவகுப்பு ஊா்வலம் பேருந்து நிலையத்தில் இருந்து புறப்பட்டு கோவை சாலை, பவானிசாகா் சாலை, கடைவீதி வழியாக காவல் நிலையத்தை சென்றடைந்தது.
இதில் சத்தியமங்கலம் உட்கோட்டத்துக்கு உள்பட்ட காவல் நிலைய காவலா்கள், போக்குவரத்து போலீஸாா் உள்ளிட்ட நூற்றுக்கும் மேற்பட்டோா் கலந்து கொண்டனா். அதேபோல, சத்தியமங்கலத்திலும் போலீஸாா் கொடி அணிவகுப்பு ஊா்வலம் நடைபெற்றது.
